KIA ev6

റേഞ്ച് 708 കിമീ

ഡിസൈനിലെ പുതുമയാണ് ഇവിനെ മറ്റുള്ളവരിൽനിന്നു വേറിട്ടു നിർത്തുന്നത്. ഒഴുക്കുള്ള, എന്നാൽ സ്പോർട്ടി ഫീൽ തരുന്ന ലൈനുകളും കട്ടുകളും. 19 ഇഞ്ച് ക്രിസ്റ്റൽ കട്ട് വീലുകൾ. പോപ് അപ് ഡോർ ഹാൻഡിലാണ്. ഹ്യുണ്ടേയ് അയോണിക് 5ൽ നൽകിയിരിക്കുന്ന ഇലക്ട്രിക് ഗ്ലോബൽ മോഡുലാർ പ്ലാറ്റ്ഫോമിലാണ് ഇവി6ഉം നിർമിച്ചിരിക്കുന്നത്.

12.3 ഇഞ്ച് വീതം വലുപ്പമുള്ള മീറ്റർ കൺസോളും ഇൻഫൊടെയ്ൻമെന്റ് സിസ്റ്റവും ഒന്നിച്ചു ഡ്രൈവറിനഭിമുഖമായി വരത്തക്കവിധം കർവ്ഡ് ഡിസൈനാണ് നൽകിയിരിക്കുന്നത്. ഉഗ്രൻ ക്വാളിറ്റി. ഫ്ലോട്ടിങ് സെന്റർ കൺസോൾ. പുഷ്ബട്ടൺ സ്റ്റാർട്ട് സ്വിച്ചും സീറ്റ് വെന്റിലേഷൻ സ്വിച്ചും ഗിയർ സിലക്ടർ നോബും ഓട്ടോ ഹോൾഡ്, പാർക്ക് സെൻസർ സ്വിച്ചും വയർലെസ് ഫോൺ ചാർജറും എല്ലാം ഇതിലാണു ക്രമീകരിച്ചിരിക്കുന്നത്. സ്പോർട്ടി ഫീലുള്ള സ്റ്റിയറിങ് വീൽ.