നൗഷീജ നെയ്തെടുത്ത നവലോകം ഹൃദയം തൊട്ട് ഫാറ്റിസ്

പൗരാണിക മുസ്ലിം കുടുംബത്തിൽ നിന്നു ഫാഷൻ ലോകത്തേക്ക് നൗഷി എത്തിയത് ഒട്ടേറെ കടമ്പകൾ പിന്നിട്ടാണ്. കുടുംബം പ്രതിസന്ധിയിലേക്കു നീങ്ങിയപ്പോൾ നൗഷി അവർക്ക് താങ്ങും തണലുമായി. ഒപ്പം, പുതിയ തലമുറയുടെ സ്വപ്നങ്ങളും പ്രതീക്ഷകളും നൗഷിജ നെയ്തെടുത്തു. ഇന്ന് ലോകം മുഴുവൻ ഫാരിസിന്റെ ഫാഷൻ പരന്നു കിടക്കുന്നു

മലയാളികളുടെ ഗൾഫാണ് ചാവക്കാട്, ഉരുവിലും പായ്ക്കപ്പലിലും പ്രതീക്ഷകളുടെ മാറാപ്പ് തോളിലിട്ട് കടൽ കടന്ന ച രിത്രമാണ് ഈ തീരദേശ മണ്ണ് ഇന്നോളം പ റഞ്ഞിട്ടുള്ളത്. എന്നാൽ ആനക്കോട്ടിൽ കുടുംബത്തിലെ ആർ പി മുഹമ്മദ് ഉണ്ണിയുടെ മകൾ നൗഷിജ തന്റെ യാത്ര തുടങ്ങിയത് ചാവക്കാടിന്റെ ഈ പരിചിത വഴികളിലൂടെയല്ലായിരുന്നു. കൂട്ടത്തിൽ ചെറുതും പാ യത്തിൽ ഇളപ്പവുമായത് കൊണ്ട് തന്നെ ആനക്കോട്ടിൽ കുടുംബത്തിലെ ഇളമുറക്കാരിയെ പൊടിമോളെന്നാണ് അന്ന് വിശേഷിപ്പിച്ചത്. കൂട്ടത്തിൽ ഏറ്റവും ചെറുതായിരുന്നെങ്കിലും സ്വപ്നത്തിലും സ്വാഭാവത്തിലും അത് പൊടിയായിരുന്നില്ല "നൗഷി എന്നു പ്രിയപ്പെട്ടവർ വിളിക്കുന്ന നൗഷിജ. സൗന്ദര്യ സങ്കൽപ്പങ്ങളുടെ മുഖച്ഛായ മാറ്റി വിശ്വ ബ്രാൻഡായി വളർന്ന ഫാറ്റിസിന്റെ അമരക്കാരിയായി പൊടിമോൾ വളർന്നു. സൗന്ദര്യലോകത്ത് പുതിയ സാമ്രാജ്യം സൃഷ്ടിച്ച നൗഷിയുടെ കഥ ഉയർച്ചകളും താഴ്ചകളും നിറഞ്ഞതായിരുന്നു. തൃശൂരിന്റെ മണ്ണിൽ നിന്നും വിശ്വ ഭൂപടത്തിൽ ഇടം പിടിച്ച ഫാറ്റീസിന്റെയും അതിന്റെ സാരഥി നൗഷിജയുടെയും കഥയാണ് ഇത്തവണ കവർസ്റ്റോറി പറയുന്നത്.

വളരെ പ്രിവിലേജഡായിട്ടുള്ള ഒരു കുടുംബത്തിലെ അംഗമായിട്ടായിരുന്നു നൗഷിയുടെ ജനനം. വലിയ മതിലും അതിനു ള്ളിലെ വീടും, മുസ്ലിം ലീഗിന്റെ രാഷ്ട്രീയവുമൊക്കെയായി ആനക്കോട്ടിൽ തറവാട് എപ്പോഴും തിരക്കിലായിരുന്നു. യക്ഷി പാലയും കിണറും കുളവുമൊക്കെയുള്ള ബാല്യം പൊടിമോളുടെ ജീവിതത്തെ കൂടുതൽ സൗന്ദര്യപൂർണമാക്കി. ഉമ്മ ഫാത്തിമയുടെ കൂട്ടും ചേച്ചിന്മാരുടെ സൗഹൃദവും ഒക്കെ ജീവിതത്തിന് അർത്ഥവും നിറവും നൽകിയ കാലം. കുന്ദംകുളം അൻസാറിൽ നിന്ന് പ്രാഥമിക വിദ്യാഭ്യാസവും ഐസിഐ വിദ്യാലയത്തിൽ നിന്ന് പ്ലസ് ടുവും പൂർത്തിയാക്കിയ നൗഷി വിമല കോളേജിൽ ഹോം സയൻസിൽ ജോയിൻ ചെയ്തു. ടെക്സ്റ്റൈൽസ് ടെക്നോളജിയോടും സൈക്കോളജിയോടുമുള്ള ഇഷ്ടം എത്തിച്ചത് ഹോം സയൻസ് ബിരുദത്തിലാണ്. ജീവിതത്തിന്റെ പിന്നീടുള്ള ഒഴുക്കുകളെ നിയന്ത്രിച്ചതാകട്ടെ ഈ ഡിഗ്രി കാലയളവ് ആയിരുന്നു.