ക്ലാസിക് കർവ്സ്

കാസർഗോഡൻ മണ്ണിലൊരു ഹൈക്ലാസ് സംരംഭം

കാസർഗോഡ്, സപ്തഭാഷാ സംഗമഭൂമി. ഭാഷ യുടെ കാര്യത്തിൽ മാത്രമല്ല, സാംസ്കാരിക വൈവിധ്യങ്ങൾ പോലെ തന്നെ വസ്ത്ര സങ്കൽപ്പങ്ങളി ലും വ്യത്യസ്തത പുലർത്തുന്ന നാട്ടുകാരാണ് കാസർ ഗോട്ടുകാർ. കാസർഗോഡിന്റെ മണ്ണിൽ പുത്തൻ ഫാഷൻ ട്രെൻഡുകൾക്ക് വേരോട്ടമുണ്ടാക്കിയ ഒരു സംരംഭമുണ്ട്. 2021ൽ തനൂജ, നസീബ എന്നീ രണ്ടു വീട്ടമ്മമാർ ചേർന്ന് തുടക്കമിട്ട ക്ലാസിക്ക് കർവ്സ്. കോവിഡ് കാലത്ത് ലോകമാകെ നിശ്ചലമായ സമയ ത്ത് രണ്ടു സ്ത്രീകളുടെ ആത്മവിശ്വാസത്തിലും, ദൃഢനിശ്ചയത്തിലും പിച്ച വെച്ചു തുടങ്ങിയ സംരംഭക സ്വപ്നം. വെറും 200 സ്ക്വയർഫീറ്റിൽ, ഒറ്റ ഷട്ടറിൽ തുടങ്ങി ഇന്ന് 5000 സ്ക്വയർഫീറ്റിൽ മൂന്നു ഫ്ലോറുകളിലായി വളർന്നു കഴിഞ്ഞു ക്ലാസിക് കെർവ്സ്.

ഒരൊറ്റ ചോദ്യം മതി, ജീവിതം മാറാൻ

കാസർഗോട്ടെ ഒരു യാഥാസ്ഥിതിക മുസ്ലിം കുടുംബത്തിൽ ജനിച്ചു വളർന്ന വ്യക്തിയാണ് തനൂജ. പത്താം ക്ലാസ് വരെ പഠനം. ശേഷം തന്റെ പതിനേഴാം വയസിൽ വിവാഹം. നാലു കു ട്ടികളുമായി പൂർണ്ണമായും വീട്ടമ്മയുടെ റോളിലേക്ക് പറിച്ചു നടപ്പെട്ട ജീവിതം. പ്ലസ് വൺ കാരനായ മകനോട് നന്നായി പഠി ക്കണമെന്നും, എങ്കിൽ മാത്രമേ ജീവിതത്തിൽ നല്ല നിലയിലെത്താൻ സാധിക്കൂവെന്നുമൊക്കെ ഏതൊരു മലയാളി വീട്ടമ്മയേയും പോലെ പറയുമായിരുന്നു തനൂജ. ഇത്രയും പ്രോത്സാഹനം നൽകുന്ന ഉമ്മ സ്വന്തം ജീവിതത്തിൽ എന്തു ചെയ്തുവെന്ന് മകൻ തിരിച്ചു ചോദിച്ചു. ഒരൊറ്റ ചോദ്യം മതി ജീവിതം മാറാൻ എന്നു പറയുന്നതെത്ര ശരിയാണ് ! മകന്റെ ആ ഒരൊറ്റ ചോദ്യമാണ് ഹൃദയത്തിന്റെ അടിത്തട്ടിലെവിടെയോ കുഴിച്ചു മൂടിയ തനൂജയുടെ സംരംഭക മോഹങ്ങളെ തട്ടിയുണർത്തിയത്. പിന്നീടങ്ങോട്ട് എല്ലാം ഒരു സ്വപ്നം പോലെയായിരുന്നുവെന്ന് അവർ പറയുന്നു.

ബൊട്ടീക്ക് ബിസിനസിലേക്ക്....