നവജാതശിശു പരിചരണം

നവജാതശിശുപരിചരണത്തിൽ ഏറ്റവും പ്രധാനം മുലയൂട്ടലാണ്. ഭൂമിയിൽ പിറന്നുവീഴുന്ന ഏതൊരു കുഞ്ഞിന്റെയും ജന്മാവകാശമാണ് മുലപ്പാൽ. പ്രസവാ നന്തരം ആദ്യത്തെ രണ്ട് മൂന്ന് ദിവസം സ്തനങ്ങളിൽ നിന്നും വരുന്ന ഇളം മഞ്ഞ നിറമുള്ള പാൽ കൊളസ്ട്രം) നിർബന്ധമായും കുഞ്ഞുങ്ങൾക്ക് നൽകണം. കൊളസ്ട്രം നൽകുന്നതുവഴി കുഞ്ഞിന്റെ രോഗപ്രതിരോധശേഷി വർദ്ധിക്കുന്നു. ദഹനേന്ദ്രിയവ്യവസ്ഥ കാര്യക്ഷമമാകുന്നു. മഞ്ഞപ്പിത്തം, ആസ്തമ, കരപ്പൻ തുടങ്ങിയ രോഗങ്ങൾക്കെതിരെയും സംരക്ഷണം ലഭിക്കുന്നു.

- ഡോ. ഷിബില കെ BAMS. MS(Ayu). Dept. Gynaecology & Obstetrics അസി. പ്രൊഫസ്സർ, Govt.ആയുർവ്വേദ കോളേജ്, തൃപ്പൂണിത്തുറ Email: [e-mail]

നവജാതശിശു പരിചരണത്തെക്കുറിച്ച് - പ്രത്യേകിച്ച് ആദ്യത്തെ കൺമണിയാണെങ്കിൽ അമ്മമാർക്ക് സംശയങ്ങളും ആശങ്കകളും ഏറെയാണ്. ജനിച്ച് ആദ്യത്തെ 28 ദിവസംവരെ പ്രായമുള്ള കുഞ്ഞുങ്ങളെയാണ് നവജാതശിശുക്കൾ എന്നു പറയുന്നത്. നവജാത ശിശുപരിചരണം നമ്മൾ ഏറ്റവും ശ്രദ്ധയോടെയും കരുതലോടെയും ചെയ്യേണ്ടതാണ്.

നവജാതശിശുപരിചരണത്തിൽ ഏറ്റവും പ്രധാനം മുലയൂട്ടലാണ്. ഭൂമിയിൽ പിറന്നുവീഴുന്ന ഏതൊരു കുഞ്ഞിന്റെയും ജന്മാവകാശമാണ് മുലപ്പാൽ. പ്രസവാനന്തരം ആദ്യത്തെ രണ്ട് മൂന്ന് ദിവസം സ്തനങ്ങളിൽ നിന്നും വരുന്ന ഇളം മഞ്ഞ നിറമുള്ള പാൽ (കൊളസ്ട്രം) നിർബന്ധമായും കുഞ്ഞുങ്ങൾക്ക് നൽകണം. കൊളസ്ട്രം നൽകുന്നതുവഴി കുഞ്ഞിന്റെ രോഗപ്രതിരോധശേഷി വർദ്ധിക്കുന്നു. ദഹനേന്ദ്രിയവ്യവസ്ഥ കാര്യക്ഷമമാകുന്നു. മഞ്ഞപ്പിത്തം, ആസ്തമ, കരപ്പൻ തുടങ്ങിയ രോഗങ്ങൾക്കെതിരെയും സംരക്ഷണം ലഭിക്കുന്നു. മുലപ്പാലിൽ കുഞ്ഞിന്റെ ശരീര വളർച്ചയ്ക്കും ബുദ്ധിവികാസത്തിനും ആവശ്യമായ എല്ലാ ഘട കങ്ങളും നിർദ്ദിഷ്ടമായ ആനുപാതത്തിൽ അടങ്ങിയിട്ടുണ്ട്. അതിനാൽ കുഞ്ഞിന്റെ ആദ്യത്തെ ആറുമാസം മുലപ്പാൽ മാത്രം നൽകിയാൽ മതിയെന്ന് ലോകാരോഗ്യ സംഘടന നിർദ്ദേശിക്കുന്നു.

സാധാരണഗതിയിൽ പ്രസവം കഴിഞ്ഞ് അരമണിക്കൂറിനകം മുലയൂട്ടണം. എന്നാൽ സിസേറിയനാണെങ്കിൽ അമ്മക്ക് നൽകിയിരിക്കുന്ന അനസ്തേഷ്യ മുതലായവയിൽ നിന്ന് മുക്തി നേടിയ ശേഷം മുലയൂട്ടൽ ആരംഭിക്കുക. കുഞ്ഞിനെ ഒരു ദിവസം എത്രതവണ മുലയൂട്ടണമെന്ന് കൃത്യമായ കണക്കൊന്നുമില്ല. പൊതുവെ രണ്ട് മണിക്കൂർ ഇടവിട്ട് മുല പ്പാൽ നൽകാം. അതോടൊപ്പം കുഞ്ഞിന് ആവശ്യം തോന്നുമ്പോഴെല്ലാം പാൽ നൽകാം. ഇരുസ്തനങ്ങളിൽ നിന്നും മാറി മാറി കൊടുക്കണം. ഒരു തവണ ഇരുപത് മിനിറ്റ് വരെ മുലയൂട്ടാം. അതിനുശേഷം കുഞ്ഞിനെ തോളിലിട്ട് പുറത്ത് തട്ടി ഗ്യാസ് കളയണം. മുലപ്പാൽ കുടിക്കുന്ന സമയത്ത് കുഞ്ഞിന് ഏതെങ്കിലും തരത്തിൽ അസ്വസ്ഥതകൾ അനുഭവപ്പെടുകയാണെങ്കിൽ പാൽ നൽകുന്നത് നിർത്തി കുഞ്ഞിനെ ചരിച്ച് കിടത്തി അധികമുള്ള പാൽ ഒഴുക്കിക്കളയണം. ശേഷം ചുമലിലിട്ട് തട്ടണം.