പഠനത്തെ പാട്ടിനു വിടാം!

സംഗീതപഠനത്തിലൂടെ മികച്ച കരിയർ നേടാവുന്ന സാധ്യത ഏറെയുണ്ട്

- ബി.എസ്.വാരിയർ

സംഗീതക്കച്ചേരി, ഗാനമേള, സിനിമ, ടിവി, മ്യൂസിക് വിഡിയോ, ഇന്റർ നെറ്റ് സൈറ്റുകൾ തുടങ്ങിയവയിലൂടെ മികച്ച കരിയർ സാധ്യതകൾ സംഗീതത്തിനുണ്ട്. ഗായകർ മാത്രമല്ല, ഉപകരണവാദകർ, സംഗീ തസംവിധായകർ, ഗാനരചയിതാക്കൾ, ഇലക്ട്രോണിക് ഉപകരണങ്ങളുടെയടക്കം പ്രവർത്തനവുമായി ബന്ധപ്പെട്ടവർ എന്നു തുടങ്ങി ഈ മേഖലയിൽ വൈവിധ്യമാർന്ന സേവനം ആവശ്യമാണ്. ഡിജിറ്റലൈസേഷനോടെ റിക്കാർഡിങ്ങിന്റെയും സംഗീതാവതരണത്തിന്റെയും ശൈലികൾക്കു വലിയ മാറ്റം വന്നു.

പഠനം കേരളത്തിൽ

കർണാടകസംഗീതം, ഹിന്ദുസ്ഥാനി സംഗീതം, കഥകളി സംഗീതം, സോപാനസംഗീതം, നാടോടിസംഗീതം, പാശ്ചാത്യസംഗീതം, ഭാരതീയവും പാശ്ചാത്യവുമായ ഉപകരണസംഗീതം എന്നിങ്ങനെ എത്രയോ പഠനസാധ്യതകൾ കേരളത്തിൽത്തന്നെയുണ്ട്.

ഏതാനും കോളജുകൾ

 സ്വാതിതിരുനാൾ കോളജ് ഓഫ് മ്യൂസിക്, തിരുവനന്തപുരം: ബിപിഎ (ബാർ ഓഫ് പെർഫോമിങ് ആർട്) മ്യൂസിക് വോക്കൽ, വീണ, വയലിൻ, മൃദംഗം; എംഎ മ്യൂസിക് വീണ, വയലിൻ, മൃദംഗം, ആർഎൽവി കോളജ് ഓഫ് മ്യൂസിക് & ഫൈൻ ആർട്സ്, തൃപ്പൂണിത്തുറ: ബിഎ വോക്കൽ, വീണ, വയലിൻ, മൃദംഗം, എംഎ വോക്കൽ, വീണ, വയലിൻ, മൃദംഗം.