അസിസ്റ്റന്റ് ലോക്കോ പൈലറ്റ് ഒഴിവ് മൂന്നിരട്ടിയായി!

5,696 ഒഴിവുണ്ടായിരുന്നത്, പുതിയ കണക്കനുസരിച്ച് 18,799 ആയി

- ഷാജി പൊന്നോല

അസിസ്റ്റന്റ് ലോക്കോ പൈലറ്റ് ഒഴിവുകൾ 3 ഇരട്ടിയായി വർധിപ്പിച്ച് ഇന്ത്യൻ റെയിൽവേ. രാജ്യത്തെ എല്ലാ സോണൽ റെയിൽവേ മാനേജർമാർക്കും ജൂൺ 18നു നൽകിയ കത്തിലാണ് (No.2023/E(RRB)/25/13) ഒഴിവുകൾ വർധിപ്പിച്ചതു സംബന്ധിച്ച വിവരങ്ങൾ ഉൾപ്പെടുത്തിയിരിക്കുന്നത്. അസിസ്റ്റന്റ് ലോക്കോ പൈലറ്റ് തസ്തികയിൽ കഴിഞ്ഞ ജനുവരിയിൽ പ്രസിദ്ധീകരിച്ച വിജ്ഞാപനത്തിൽ 5,696 ഒഴിവുകളാണ് റിപ്പോർട്ട് ചെയ്തിരുന്നത്. പുതിയ കണക്കനു സരിച്ച് ഒഴിവുകളുടെ എണ്ണം 18,799 ആയി 13,103 ഒഴിവുകളുടെ വർധന. കേരളം ഉൾപ്പെടുന്ന സതേൺ റെയിൽ വേയിലെ 218 ഒഴിവ് 726 ആയി.