കോളജ് ഗെസ്റ്റ് അധ്യാപക നിയമനം ഇനി ഒറ്റത്തവണ റജിസ്ട്രേഷൻ

നിയമനം, നിയമന അംഗീകാരം, ശമ്പളവിതരണം എന്നിവയിൽ വ്യവസ്ഥകൾ പാലിക്കുന്നുവെന്ന് ഉറപ്പാക്കും

സംസ്ഥാനത്തെ സർക്കാർ, എയ്ഡഡ് കോളജുകളിലെ ഗെസ്റ്റ് അധ്യാപക നിയമനം സുതാര്യമാക്കാൻ കോളജ് വിദ്യാഭ്യാസ വകുപ്പ് നടപടിക്രമം തയാറാക്കി. നിയമനം, നിയമന അംഗീകാരം, ശമ്പള വിതരണം എന്നിവയിൽ വ്യവസ്ഥകൾ പാലിക്കുന്നുവെന്ന് ഉറപ്പാക്കാനാണിത്.

ഉദ്യോഗാർഥികൾ www.collegiateedu.kerala.gov.in വെബ്സൈറ്റിൽ ഒറ്റത്തവണ ഓൺ ലൈൻ റജിസ്ട്രേഷൻ നടത്തണം. അധിക യോഗ്യതകൾ പിന്നീടു കൂട്ടിച്ചേർക്കാം. സർട്ടിഫിക്കറ്റ് പരിശോധനയ്ക്ക് ഏതു ഡപ്യൂട്ടി ഡയറക്ടറേറ്റ് ഓഫിസിലും ഹാജരാകാം. തുടർന്നു ലഭിക്കുന്ന റജിസ്ട്രേഷൻ സർട്ടിഫിക്കറ്റ് കേരളത്തിൽ എവിടെയും ഉപയോഗിക്കാൻ കഴിയും.