ഡിഗ്രി സെക്കൻഡ് ഇയർ പഠിച്ചുകൊണ്ടിരിക്കുമ്പോഴായിരുന്നു എന്റെ വിവാഹം. പഠിക്കുന്നതിനെക്കാൾ മിടുക്കായിരുന്ന ഡാൻസ് കളിക്കാനും കോളജിലെ മറ്റു മേഖലകളിൽ തിളങ്ങി നിൽക്കാനും. അങ്ങനെ തിളങ്ങി നിൽക്കുമ്പോഴായിരുന്നു വിവാഹം കഴിഞ്ഞതും ഇരുപതാം വയസ്സിൽ ആദ്യത്തെ കുഞ്ഞിന് ജന്മം നൽകിയതും. ആദ്യകുഞ്ഞ് ജനിച്ചാൽ അമ്മമാർക്ക് ഉണ്ടാകുന്ന സന്തോഷങ്ങളും പ്രതീക്ഷകളും അറിയാമല്ലോ? മറ്റെല്ലാം മറന്ന് നമ്മൾ ആ സ്വർഗലോകത്തായിരിക്കും. മോനെക്കുറിച്ചുള്ള പ്രതീക്ഷകളും സ്വപ്നങ്ങളും അധികകാലം നീണ്ടുപോയില്ല. എല്ലാം തകർന്നുപോയ ഒരു ദിവസം വന്നെത്തി. ആറാം മാസത്തിൽ ഒരു പനി വന്നതിനെ തുടർന്ന് ഷാനുവിനെ തിരൂരിലെ ഷംസുദീൻ ഡോക്ടറെ കാണിച്ചു. ഡോക്ടറാണു പറഞ്ഞത് ഷാനു ബൗദ്ധിക ഭിന്നശേഷിയുള്ള കുട്ടിയാണെന്ന്. മനസ്സു തകർന്നു പോയെങ്കിലും പ്രതീക്ഷ കൈവിടാതെ ഞാൻ ചോദിച്ചു: &ldquo;മരുന്ന് കഴിച്ചാൽ മാറില്ലേ ഡോക്ടർ?'' ബൗദ്ധിക ഭിന്നശേഷിയെക്കുറിച്ച് കാര്യമായി ഒന്നും അറിയാത്ത എന്റെ നിഷ്കളങ്കമായ ചോദ്യം കേട്ട്, ഡോക്ടർ പറഞ്ഞു, &ldquo;സാവധാനം ചില മാറ്റങ്ങൾ ഉണ്ടാക്കിയെടുക്കാം.'' കാലക്രമേണ ഞാൻ മനസ്സിലാക്കി ഇതൊരു രോഗമല്ല, അവസ്ഥയാണ്. ഈ അവസ്ഥയിലൂടെ കടന്നുപോകുന്നവർ ഒരുപാടുണ്ട് നമുക്കു ചുറ്റും. ആദ്യമായി ജനിച്ച കുഞ്ഞ് സമപ്രായക്കാരെപ്പോലെ ഒന്നും ചെയ്യാതെ വരുമ്പോൾ മനസ്സിൽ ആശങ്കയായിരുന്നു ആദ്യം. മോന് നടക്കാനും പറ്റുമായിരുന്നില്ല. എന്റെ ഭർത്താവ് നജ്മുദീന് ദുബായിലാണു ജോലി. ഇങ്ങനെയൊരു മോൻ ഉണ്ടായതു കാരണം ഭർത്താവിനൊപ്പം വിദേശത്തു ജീവിക്കണം എന്ന എന്റെ വലിയ ആഗ്രഹം പോലും ഇല്ലാതായല്ലോ എന്നുവരെ ആ കാലത്ത് ഞാൻ ചിന്തിച്ചു കൂട്ടി. എനിക്കു മാത്രം എന്താ ഇങ്ങനെ ഒരു കുഞ്ഞ് എന്ന് നിരന്തരം തന്നോടു തന്നെ ചോദിച്ചു. വിഷാദത്തിൽ ആഴ്ന്നുപോയ ദിവസങ്ങൾ. ആ അവസ്ഥയിൽ നിന്ന് എന്നെ മോചിപ്പിച്ചതും ധൈര്യം തന്ന് കൂടെ നിർത്തിയതും എന്റെ ഉമ്മയാണ്. മനസ്സ് ഒന്നു ശാന്തമായപ്പോൾ ഞാൻ ഷാനുവിനെയും കൊണ്ട് തെറപ്പികൾക്കു പോയിത്തുടങ്ങി.
&ldquo;മതി അവൻ ശരിയാകില്ല, കുറെയായല്ലോ ഈ തെറപ്പി തുടങ്ങിട്ട് എന്നൊക്കെ പറഞ്ഞു പിന്തിരിപ്പിക്കാൻ ഒരുപാട് പേരുണ്ടായിരുന്നു. അതൊന്നും വകവയ്ക്കാതെ ഫിസിയോ, സ്പീച്, ഒക്യുപേഷണൽ തെറപ്പികളൊക്കെ ഞാൻ കൃത്യമായി കൊടുത്തു. അതിന്റെ ഫലമായി അവൻ നടക്കാനും അവ്യക്തമായി സംസാരിക്കാനും തുടങ്ങി. അവനെയും കൊണ്ട് പുറത്തു പരിപാടികളിൽ പങ്കെടുക്കുമ്പോൾ ആദ്യം നിരാശ തോന്നിയിരുന്നു. ഹൈപ്പർ ആക്ടീവായ അവൻ ചെയ്യുന്ന വികൃതികൾ ആളുകൾക്കിടയിൽ സംസാരമാകും. ചിലർ അസഹിഷ്ണുത കാണിക്കും. ചിലർ വെറുപ്പു പ്രകടിപ്പിക്കും. അതൊന്നും വക വയ്ക്കാതെ ഞാൻ പോകുന്നിടത്തെല്ലാം അവനെയും കൊണ്ടുപോകാൻ തുടങ്ങി. ക്രമേണ അവനിലും മാറ്റങ്ങൾ വന്നു, സമൂഹവും മാറിത്തുടങ്ങി. നമ്മളെന്തിനവരെ എല്ലായിടങ്ങളിൽനിന്നും മാറ്റി നിർത്തണം. ഈ ലോകം അവരുടേതും കൂടിയാണ്.
ആദ്യം അവരെ അംഗീകരിക്കേണ്ടത് നമ്മൾ അമ്മമാരാണ്. നമ്മളവരെ അംഗീകരിച്ചാൽ നാളെ ലോകമവരെ അംഗീകരിക്കും, തീർച്ച. ഏറ്റവും നല്ല ടീച്ചറും തെറപ്പിസ്റ്റുമാകാൻ നമുക്കല്ലേ കഴിയൂ..&nbsp;പതുക്കെ ഞാൻ ഷാനുവിനെയും കൊണ്ടു ബസിലൊക്കെ കയറിത്തുടങ്ങി. ബസ് യാത്രയിൽ നാട്ടിലുള്ള സ്റ്റോപ്പുകളുടെ പേരുകളൊക്കെ അവൻ വിളിച്ചുപറയും.
ആളുകൾ അടക്കം പറയുമ്പോൾ ഞാനതൊക്കെ ആസ്വദിക്കും. കണ്ടും കേട്ടും അവൻ പഠിച്ചെടുത്ത കാര്യങ്ങൾ വിളിച്ചു പറയുമ്പോൾ അതിൽ എനിക്കു സന്തോഷിക്കാനല്ലേ കഴിയൂ. ഇന്നെന്റെ ഹീറോ ആണ് ഷാനു, എന്റെ ഐഡന്റിറ്റി. അവനിലൂടെയാണ് ഞാൻ വ്യത്യസ്തമായ ഒരു ലോകം കണ്ടത്. എന്നെ ജീവിതം പഠിപ്പിച്ചു തന്ന എന്റെ പതിനേഴുകാരൻ. അവനെക്കുറിച്ച് ഞാൻ നിരന്തരം സമൂഹമാധ്യമങ്ങളിൽ എഴുതി. അതു വായിച്ച് പല ഭാഗങ്ങളിൽ നിന്നായി ഒരുപാട് അമ്മമാർ എന്റെയും അവന്റെയും സുഹൃത്തുക്കളായി.
ഭിന്നശേഷിക്കാരുടെ രക്ഷിതാക്കൾക്കുള്ള ഒരു സന്നദ്ധ സംഘടനയുടെ മലപ്പുറം ജില്ലാ ജോയിന്റ് സെക്രട്ടറിയാണു ഞാൻ ഇന്ന്.&nbsp;കൂടാതെ, സ്പെഷൽ സ്കൂൾ പരിശീലനം കഴിഞ്ഞ് തിരൂരിലെ ഒരു ബഡ്സ് സ്കൂളിൽ അധ്യാപികയായി ജോലി ചെയ്യുന്നുമുണ്ട്.&nbsp;ഷാനു തിരൂർ എഡബ്ല്യുഎച്ച് സ്പെഷൽ സ്കൂൾ വിദ്യാർഥിയാണ്.
ഷാനുവിന് ഒരു അനിയത്തി കൂടിയുണ്ട്. അഞ്ചാം ക്ലാസ് വിദ്യാർഥിനിയായ നേഹൽ. വീട്ടുകാര്യങ്ങൾ നോക്കി ഒതുങ്ങി ജീവിക്കേണ്ടിരുന്ന ഞാനിന്ന് നേടിയെടുത്തതെല്ലാം ഭിന്നശേഷിക്കാരനായ എന്റെ ഷാനുവിനാൽ ലഭിച്ചതാണ്. നെഞ്ചത്തു കൈ വച്ച് ആത്മ വിശ്വാസത്തോടെ അഭിമാനത്തോടെ വിളിച്ചു പറയുന്നു, &ldquo;ഞാൻ ഷാനുവിന്റെ ഉമ്മയാണ്.

ഉമ്മയുടെ ഉയിരായ ഷാനു

100,176,443,149,1093,1536

English

Spanish(español)

Bengali(বাঙালি)

Gujarati(ગુજરાતી)

Hindi(हिन्दी)

Malayalam(മലയാളം)

Tamil(தமிழ்)

Telugu(తెలుగు)

Manorama Weekly

കൊതിയൂറും വിഭവങ്ങൾ

ആട് വസന്തയും പ്രതിരോധവും

കൃഷിയും കറിയും

ബിഗ്സ്ക്രീനിലെ അമർജ്യോതി

കരുതൽ

ജാഫർകുട്ടി എന്ന വിളക്കുമരം

നായകളിലെ മന്തുരോഗം

എല്ലാം കാണുന്ന ക്യാമറ

Download your favorite titles and read them offline, anytime and anywhere

Gift your loved ones with a Magzter Gift Card instantly and give them the freedom to read their favorite magazines and newspapers from thousands of best-selling titles.

Gift your loved ones with a Magzter Gift Card instantly and give them the freedom to read their favorite magazines from thousands of best-selling titles.

Gift your loved ones with a Magzter Gift Card instantly and give them the freedom to read their favorite magazines from {{magCount}}+ best-selling international titles.

Name

Please fill out this form if you need any help regarding publishing your content on Magzter

Since we launched, Magzter has been committed to partnering with global organizations to provide the greatest possible newsstand technology & service to our customers. Whether you are looking to offer magazine subscriptions to your customer database or just want to learn more, Magzter is committed to helping your business grow. To find out more, please fill out the questionnaire below: