ഔഷധസമ്പന്നം വെള്ളത്താമരപ്പൂക്കൾ

പൂക്കൾ മരുന്നാണ്

തേൻ നിറഞ്ഞ, മനംമയക്കുന്ന സൗന്ദര്യവും സൗരഭ്യവുമുള്ള പൂക്കളാണ് വെള്ളത്താമരയുടെത്. ഔഷധസമ്പന്നവും പോഷകസമ്പനവുമാണ് ഈ പൂക്കൾ. ആന്റിഓക്സിഡന്റുകളും ധാരാളമുണ്ട്. വെള്ളത്താമരപ്പൂക്കളും പൂന്തേനും നേത്രരോഗത്തിന് ഗുണം ചെയ്യും.

ആമാശയ അൾസർ ശമിപ്പിക്കാൻ വെള്ള താമരയുടെ പൂന്തണ്ട് ഫലപ്രദമാണ്. വെള്ള താമര സമൂലമായും ഔഷധമാക്കാറുണ്ട്. സാരസ്വതചൂർണത്തിൽ വെള്ളത്താമര ഘടകമാണ്.

പുണ്ഡരീക, അരവിന്ദം, ശ്വേതപദ്മ, ശതപത്ര, സഹസ്രപത്ര, കമലം തുടങ്ങി ഒട്ടേറെ പേരുകൾ വെള്ളത്താമരയ്ക്കുണ്ട്. നിശാന്ധത, വിഷാദം, അമിത രക്തസമ്മർദം, ഹൃദ്രോഗം, രക്തസ്രാവം, ഇടവിട്ടുള്ള പനി, ദാഹം, മാനസികസമ്മർദം, ഉറക്കക്കുറവ് ഇവയിലും വെള്ളത്താമര ഫലം തരുന്നു.

സമൃദ്ധമായ നാരുകൾക്കു പുറമേ പ്രോട്ടീൻ, വിറ്റാമിനുകളായ സി, എ, ബി എന്നിവയും കാൽസ്യം, പൊട്ടാസ്യം, ഫോസ്ഫറസ്, ഇരുമ്പ്, ആൾക്കലോയ്ഡുകൾ, ഫ്ലേവനോയ്ഡുകൾ, ഗ്ലൈക്കോഡുകൾ തുടങ്ങി ഒട്ടേറെ ഘടകങ്ങൾ വെള്ളത്താമരയിൽ അടങ്ങിയിട്ടുണ്ട്.