പല്ല് സംരക്ഷിക്കാം ചെറുപ്പം മുതൽ

ശരീരത്തിലെ ഏറ്റവും ഉറപ്പേറിയ ഭാഗമാണ് പല്ല്. പക്ഷേ, പല്ലിന്റെ ആരോഗ്യം നിലനിർത്തുന്ന കാര്യത്തിൽ ആ ഉറപ്പ് പലർക്കുമില്ല. പല്ലിന്റെ ആരോഗ്യവും സൗന്ദര്യവും നിലനിർത്താൻ ചെറുപ്പംമുതൽ ശ്രദ്ധിക്കേണ്ട കാര്യങ്ങൾ ഒട്ടേറെയുണ്ട്

- ഡോ.അഞ്ജന ജി.എച്ച്.ഒ.ഡി പീഡിയാട്രിക് പ്രിവന്റീവ്ഡെൻറിസ്ട്രി റോയൽഡെന്റൽകോളേജ്, പാലക്കാട് എഡിറ്റർ കേരളഡെന്റൽഭജണൽ

ചിരിക്ക് മനോഹാരിത നൽകുന്നതിനു പിന്നിൽ നിരയൊത്ത ആരോഗ്യമുള്ള പല്ലിന് പ്രധാന പങ്കുണ്ട്. എങ്കിലും നമ്മുടെ നാട്ടിൽ പല്ല് പരിശോധിക്കാനായി മിക്കവരും ദന്തഡോക്ടറെ കാണാനെത്തുന്നത് പല്ലിന് എന്തെങ്കിലും തരത്തിലുള്ള അസുഖങ്ങൾ ബാധിക്കുമ്പോൾ മാത്രമാണ്. എന്നാൽ, പല വിദേശരാജ്യങ്ങളി ലും ആറുമാസത്തിലൊരിക്കൽ പല്ലുപരിശോധന നിർബന്ധമാണ്. പല്ലിനുണ്ടാകുന്ന പ്രശ്നങ്ങൾ നേരത്തേ കണ്ടെത്തുന്നതിനും പരിഹരിക്കുന്നതിനും ഇതിലൂടെ സാധിക്കുന്നു.

ദന്തപരിചരണവും സ്പെഷ്യാലിറ്റികളും

ദന്തപരിചരണം ആധുനികവൈദ്യശാസ്ത്രത്തിന്റെ വളരെ പ്രധാനമേഖലയായി ഇപ്പോൾ മാറിക്കഴിഞ്ഞു. ദന്തചികിത്സയുമായി ബന്ധപ്പെട്ട് വിവിധ ഇപ്പോൾ നിലവിലുണ്ട്. ഓറൽ മെഡിസിനും റേഡിയോളജിയും പല്ലുമായി ബന്ധപ്പെട്ട രോഗങ്ങളുടെ ആധുനികചികിത്സകളും രോഗനിർണയമാർഗങ്ങളും കൈകാര്യം ചെയ്യുന്നു. പല്ലുകളുടെയും താടിയെല്ലുകളുടെയും ഘടനാപരമായ തകരാറുകൾ പരിഹരിക്കാനുള്ള സ്പെഷ്യാലിറ്റിയാണ് ഓറൽ ആൻഡ് മാക്സിലോഫേഷ്യൽ സർജറി.

പെരിയോഡോണ്ടിക്സ് സ്പെഷ്യാലിറ്റികൾ മോണയുടെ ആരോഗ്യം സംരക്ഷിക്കാനുള്ള ചികിത്സാസേവനം നൽകുന്ന വിഭാഗമാണ്. പീഡിയാട്രിക് ഡെന്റിസ്ട്രി കുട്ടികളിലെ ദന്തരോഗങ്ങളെ കൈകാര്യംചെയ്യുന്ന വിഭാഗമാണ്. പല്ലും അനുബന്ധഭാഗങ്ങളും മാറ്റിസ്ഥാപിക്കുന്ന വിഭാഗമാണ് പ്രോസ്തോഡോണ്ടിക്ല്.കൺസർവേറ്റീവ് ഡെന്റിസ്ട്രിയും എൻഡോഡോണ്ടിയ്ക്കും പല്ലിന്റെ സൗന്ദര്യപരമായ കാര്യങ്ങളാണ് കൈകാര്യം ചെയ്യുന്നത്. അതോടൊപ്പം കേടുവന്ന പല്ല് റൂട്ട് കനാൽ ചികിത്സയിലൂടെയും മറ്റും നിലനിർത്താനുള്ള ചികിത്സകളും ചെയ്യുന്നു. ഓർത്തോഡോണ്ടിക്സും ഡെന്റോ ഫേഷ്യൽ ഓർത്തോപീഡിക്സും നിരതെറ്റിയ പല്ലുകളെ ചികിത്സിക്കുന്ന വിഭാഗമാണ്.

ഓറൽ പാത്തോളജി വിഭാഗം വായയിലെ അസുഖങ്ങളെ നിർണയിക്കുന്ന അതിസൂക്ഷ്മ പരിശോധനകൾ നടത്തുന്നു. ദന്തചികിത്സാവിഭാഗങ്ങളിലെ പുതിയ മുന്നേറ്റമാണ് ഇംപ്ലാന്റോളജി, ബയോ ഇംപ്ലാന്റുകളുപയോഗിച്ച് നഷ്ടമായ പല്ലുകളെയും മറ്റും പുനഃസ്ഥാപിക്കുന്ന ചികിത്സാസംവിധാനമാണിത്.