നേട്ടം കൊയ്യാം ഈ പുതുനിരക്കാരിലൂടെ

 പേരുകേട്ട, നിക്ഷേപകർക്ക് മികച്ച റിട്ടേൺ നൽകുന്ന ഒട്ടേറെ ഒന്നാംനിര കമ്പനികൾ ഓഹരി വിപണിയിലുണ്ട്. എന്നാൽ, അവർക്കിടയിൽ പുതുമുഖങ്ങളെങ്കിലും മികച്ച പ്രകടനം പുറത്തെടുക്കുന്ന 5 കമ്പനികൾ. അവയെ അടുത്തറിയാം.

ഇന്ത്യൻ ക്രിക്കറ്റ് ടീമിന്റെ ബെഞ്ച് ശ്രദ്ധിച്ചിട്ടില്ലേ? രവീന്ദ്ര ജഡേജ കളിക്കാൻ ഇല്ലെങ്കിൽ പ്രശ്നമില്ല, അക്സർ പട്ടേൽ കളിച്ചോളും. ശുഭ്മാൻ ഗില്ലിന് പരുക്കാണോ, ഇഷാൻ കിഷനോ ഋതുരാജ് ഗെയ്ക്ക് വാദോ ഓപ്പൺ ചെയ്തോളും. രോഹിത് ശർമയോ വിരാട് കോലിയോ ട്വന്റി ട്വന്റിക്ക് വേണമെന്നില്ല. പകരം സൂര്യകുമാർ യാദവോ ഹാർദിക് പാണ്ഡ്യയോ ദീപക് ഹൂഡയോ സഞ്ജു സാംസണോ ഒക്കെ നെക്സ്റ്റ് ലെവൽ പ്ലേയേഴ്സായി കളിച്ചോളും.

ടെസ്റ്റിനും ഏകദിനത്തിനും ട്വന്റി ട്വന്റിക്കും വ്യത്യസ്ത ടീമുകളെ അയച്ചോളൂ, മൂന്നിലും കപ്പടിച്ചു വരാൻ പറ്റുന്ന മികവുള്ള കളിക്കാരുണ്ട്. ഇനിയും ദേശീയ കുപ്പായം കിട്ടാത്തവരുൾപ്പെടെ. ചുരുക്കിപ്പറഞ്ഞാൽ അവസരം കൊടുത്താൽ മതി, അനുഭവസമ്പത്തിലെ കുറവൊന്നും പ്രശ്നമല്ല,

രാജ്യാന്തര നിലവാരത്തിലേക്ക് ആദ്യ കളി മുതൽ തന്നെ ഈ പുതിയ താരങ്ങൾ പിടിച്ചു കയറിക്കൊള്ളും. അത്രയ്ക്ക് ആഴമാണ് ഇന്ത്യയുടെ ക്രിക്കറ്റ് സീൻ. പഴയപോലെ മുംബൈക്കാരുടെ ആധിക്യമൊന്നുമില്ല ടീമിലിപ്പോൾ, ഗ്രാമനഗരഭേദമേതുമില്ലാതെ, എല്ലായിടത്തുനിന്നും കളിക്കാരിങ്ങനെ പാറിപ്പറന്നു നിൽക്കുകയല്ലേ.....

ഓഹരി വിപണിയിലേക്കു നോക്കൂ, പഴയ പടക്കുതിരകളായ കമ്പനികൾ ഇപ്പോഴും മികവോടെ നിൽക്കുന്നുണ്ട്. വലിയ വാട്ടമൊന്നുമില്ല. എന്നാൽ, കാലം തെളിയിച്ച വീരനായകർക്കു പകരം ബെഞ്ച് നിരയിലെ ശക്തി പരീക്ഷിക്കണമെന്നുണ്ടോ, ഇതാ ഓഹരിയിൽ അധികം ചർച്ച ചെയ്യപ്പെടാത്ത അഞ്ചു പുതുനിര കളിക്കാർ.

1. ആഫ്ൾ ഇന്ത്യ 1019.60 രൂപ

ആഗോള ധനകാര്യസ്ഥാപനമായ ഗോൾഡ്മാൻ സാക്സ് നോട്ടമിട്ടിരിക്കുന്ന ഓഹരി. എ.എൻ.സി ആണോ, അതേ. പക്ഷേ, തികച്ചും ഇന്ത്യൻ സംരംഭം തന്നെ. ആഫ്ൾ ഡിജിറ്റലൈസേഷൻ പരസ്യങ്ങളുടെ പര്യായമാണ്. 2,000 രൂപയ്ക്ക് അടുത്തേക്കു മുന്നേറാനുള്ള സാധ്യതയുണ്ടെന്നാണ് ഗോൾഡ്മാൻ സാക്സ് പറയുന്നത്. ഇനി, ഓഹരി വിപണികൾ മൊത്തത്തിൽ വീണാൽ 778 രൂപ എന്നും ഇവർ വിലയിരുത്തുന്നു.

ഡിജിറ്റൽ പരസ്യങ്ങൾ, കൺസ്യൂമർ ഇന്റലിജൻസ്, ഉപയോക്താവിന്റെ മനസ്സു കണ്ട് പരസ്യങ്ങൾ അയാളുടെ മൊബൈലിൽ എത്തിക്കുക ഇതൊക്കെയാണ് ആഫ്ൾ ചെയ്യുന്നത്. ഡിജിറ്റൽ ലോകത്തിലെ ഒരു പരസ്യഗൈഡാണെന്നും പറയാം.