ફેમીલી ઝોન

ડિજિટલ માર્કેટિંગના ક્ષેત્રમાં રહેલી છે અગણિત તકો

વ્યવસાયનો વિસ્તાર કરવા માટે વિવિધ માધ્યમોની મદદ લેવામાં આવે છે. પ્રિન્ટ, ઇલેક્ટ્રોનિક વગેરે ટેક્નોલોજી થકી માર્કેટિંગ કરી તેનો વ્યાપ વધારવાનું પસંદ કરવામાં આવે છે. હવે બિઝનેસનો વ્યાપ વધારવા માટે એક નવી ટેક્નોલોજીના ઉપયોગનું ચલણ વધ્યું છે તે છે ડિજિટલ ટેક્નોલોજી. ઇન્ટરનેટના માધ્યમથી ડિજિટલ માર્કેટિંગ કરીને મહત્તમ લોકો સુધી પહોંચવાનું હવે સરળ બની રહ્યું છે અને તેથી જ ડિજિટલ માર્કેટિંગ લોકપ્રિય બની રહ્યું છે, પરિણામે ડિજિટલ માર્કેટિંગ એક અલગ અને નવા અભ્યાસક્રમ તરીકે ઊભરી રહ્યું છે. આ અભ્યાસક્રમનું જ્ઞાન મેળવીને ડિજિટલ માર્કેટિંગ ક્ષેત્રમાં રોજગારીની સારી તકો મેળવી શકાય છે. ડિજિટલ ઇન્ડિયા અભિયાન લોન્ચ થયા બાદ ભારતમાં ડિજિટલ પ્લેટફોર્મનો ઉપયોગ ઝડપથી વધી રહ્યો છે.