હે સ્વાતંત્ર્ય દેવી! તું ન હોતી તો... કૈસા હોતા...?!

ભાઈ, વચનો આપવાનાંય અમારે અને પાળવાનાંય અમારે’’

- હર્ષદ પંડ્યા ‘શબ્દપ્રીત'

હે પ્રિય સ્વતંત્રતા!

મારા જીવનમાં તું છ-છ દાયકાથી છે, તો પણ તને હું પ્રિય છું એ જ મોટું આશ્ચર્ય છે! બાકી, અહીં તો છ દિવસમાં જ રિલેશનશિપની બાજી ફિટાઉન્સ થઈ જતાં વાર નથી લાગતી. આટઆલટાં વર્ષોથી મારા જીવનમાં તું છે એ જ બતાવે છે કે આપણે બંને એકબીજાં માટે જ સર્જાયાં છીએ! તારા વિના હું અધૂરો, મારા વિના તું અધૂરી. જોકે મારા વિના તું અધૂરી હશે કે નહીં, એની મને ખબર નથી, પણ હે સખી, તારા વિના હું અધૂરો જરૂર હોત. જોને, તું છે તો અમારે ત્યાં લોકશાહી માતાનું રાજ ચાલે છે અને એટલે તો અમારે ત્યાં દર ચૂંટણીએ તારા ભક્તો બનવા અને અમારા સેવકો બનવા માટે, ટિકિટો લેવા લોકોની લાઇનો લાગે છે.