પ્રકૃતિ

હવે સિંહનું નવું ઘર બનશે ભાવનગરનો બૃહદગીર વિસ્તાર

- જિજ્ઞેશ ઠાકર

સાવજ એટલે સાસણગીર જ નહીં. હવે સિંહ છેક ભાવનગર જિલ્લા સુધી પહોંચ્યા છે. ૨૦૧૫ની વસતિગણતરી અનુસાર ભાવનગર જિલ્લામાં ૩૭ સિંહ નોંધાયા હતા, જે ૨૦૨૦માં સંખ્યા ૭૩ થઈ ગઈ અને હવે ૨૦૨૫માં આગામી સિંહની ગણતરી હાથ ધરાવાની છે, ત્યારે આ આંકડો ૧૦૦ને પાર થઈ જાય તેવી શક્યતાને ધ્યાનમાં લઈને વન વિભાગ દ્વારા ભાવનગર જિલ્લામાં લાયન સફારી પાર્કની પ્રપોઝલ તૈયાર કરાઈ છે.

સિંહની વાત આવે એટલે ગુજરાતમાં સીધું સાસણ ગીર કે જૂનાગઢ એવું સ્મરણ થાય, પરંતુ આ વાતમાં છેલ્લાં દસ વર્ષ દરમિયાન પરિવર્તન આવ્યું છે. હવે અમરેલી અને ભાવનગર જિલ્લામાં પણ સિંહ પરિવારોનો વસવાટ નોંધાયો છે.