એનાલિસિસ.

શું બળાત્કારની સમસ્યાનો ભારતમાં કોઈ જ ઉકેલ નથી?

- સુધીર એસ. રાવલ

ભારતનાં મહિલા રાષ્ટ્રપતિ દ્રૌપદી મુર્મુએ હમણાં કોલકાતામાં મહિલા ડૉક્ટર પર આચરાયેલા બળાત્કાર અને ત્યાર બાદ તેની હત્યાની અત્યંત ઘૃણાસ્પદ, શરમજનક, દર્દનાક અને શબ્દોમાં ન વર્ણવી શકાય તેવી દુઃખદ ઘટના સામે ‘મહિલા સુરક્ષા : બસ હવે બહુ થયું’ શીર્ષક હેઠળ એક લેખ લખીને દુ:ખ, આક્રોશ, ચિંતા અને સંવેદના ઠાલવી. મહિલા રાષ્ટ્રપતિએ લખ્યું કે, ‘હવે સમય આવી ગયો છે કે ભારત આવી વિકૃતિઓ વિરુદ્ધ જાગૃત બને અને મહિલાને અશક્ત, અસમર્થ અને અલ્પબુદ્ધિ સમજનારી માનસિકતાનો મુકાબલો કરે.' વડાપ્રધાને નવી દિલ્હીના ભારત મંડપમમાં સર્વોચ્ચ અદાલત દ્વારા યોજાયેલી જિલ્લા અદાલતોની એક ઇવેન્ટમાં કહ્યું કે, ‘મહિલાઓ પર અત્યાચાર એ ગંભીર ચિંતાનો વિષય છે. દેશમાં મહિલાઓની સુરક્ષા માટે ઘણા કઠોર કાયદાઓ બનેલા છે. ૨૦૧૯માં આ માટે સરકારે ફાસ્ટ બૅંક સ્પેશિયલ કોર્ટની સ્થાપનાની યોજના બનાવી હતી. અપરાધો સામે મહિલાઓને ત્વરિત ન્યાય મળે તે અત્યંત જરૂરી છે.' સર્વોચ્ચ અદાલતના મુખ્ય ન્યાયાધીશ ડી.વાય. ચંદ્રચુડે એ જ ઇવેન્ટમાં મહિલાઓની સુરક્ષાના સંદર્ભમાં જ ઉદાહરણ ટાંક્યું કે, ‘જિલ્લા સ્તરની અદાલતોમાં મહિલાઓની સલામતી માટેનું યોગ્ય વાતાવરણ હોવું જોઈએ. જિલ્લા સ્તરની અદાલતોમાં માત્ર ૬.૭% મહિલાઓ માટે બુનિયાદી સુવિધાઓ ઉપલબ્ધ છે!'

મહિલા સુરક્ષા બાબતે આપણું સરવૈયું :