യുറഗ്വായ് മുതൽ ഖത്തർ വരെ

നവംബർ 20-ന് ഖത്തറിൽ ഫുട്ബോൾ ലോകകപ്പിന് വിസിലടി ഉയരുകയാണ്. 1930-ൽ യുറഗ്വായിലാണ് ആദ്യ ലോകകപ്പ് നടന്നത്. അതുമുതലുള്ള ലോകകപ്പിന്റെ ഹ്രസ്വചരിത്രം ഇതാ...

- അഭിനാഥ് തിരുവലത്ത്

ഫിഫ ലോകകപ്പിന്റെ 22-ാം നവംബർ തിരശ്ശീല പതിപ്പിന് 20-ന് ഖത്തറിൽ ഉയരുകയാണ്. ഡിസംബർ 18 വരെയാണ് ലോകകപ്പ് മത്സരങ്ങൾ. ഒരു അറബ് രാജ്യം ഇതാദ്യമായാണ് ലോകകപ്പിന് വേദിയാകുന്നത്. 2002-ന് ശേഷം ഏഷ്യയിൽ വെച്ച് നടക്കുന്ന ലോകകപ്പ് എന്ന വിശേഷണവും ഖത്തർ ലോകകപ്പിനുണ്ട്. സാധാരണ മേയ്, ജൂൺ, ജൂലായ് മാസങ്ങളിലായിട്ടാണ് ഫിഫ ലോകകപ്പ് നടക്കാറ്. എന്നാൽ ഈ മാസങ്ങളിൽ ഖത്തറിലെ കടുത്ത ചൂട് കാരണമാണ് ടൂർണമെന്റ് നവംബർ - ഡിസംബർ മാസങ്ങളിലേക്ക് മാറ്റിയത്. 29 ദിവസമായാണ് ഇത്തവണത്തെ ലോകകപ്പ് മത്സരങ്ങൾ. എട്ട് വേദികളിലായി മത്സരം നടക്കും.

ഇതുവരെ നടന്ന 21 ലോക കപ്പുകളെക്കുറിച്ച് അറിയാം.

1930 യുറഗ്വായ്

ഫിഫ ലോകകപ്പിന്റെ ആദ്യ പതിപ്പിന് വേദിയായത് യുറഗ്വാ ആയിരുന്നു. 1930 ജൂലായ് 13 മുതൽ 30 വരെ 18 ദിവസ മായിരുന്നു അന്ന് ലോകകപ്പ് മത്സരങ്ങൾ നടന്നത്. യുറഗ്വായ് തലസ്ഥാനമായിരുന്ന മോണ്ടി വിഡിയോയിലായിരുന്നു മത്സരങ്ങൾ മുഴുവൻ നടന്നത്. തെക്കേ അമേരിക്കയിൽ നിന്ന് ഏഴും  യൂറോപ്പിൽ നിന്ന് നാലും വടക്കേ അമേരിക്കയിൽ നിന്ന് രണ്ടും ടീമുകളടക്കം ആകെ 13 ടീമുകളാണ് അന്ന് ടൂർണമെന്റിൽ പങ്കെടുത്തത്. ടീമുകളെ നാല് ഗ്രൂപ്പുകളായി തിരിച്ചായിരുന്നു മത്സരങ്ങൾ. അർജന്റീന, യുറഗ്വായ്, അമേരിക്ക, യൂഗോസ്ലാവിയ എന്നീ ടീമുകൾ സെമിയിലേക്ക് മുന്നേറി. ഫൈനലിൽ 68,346 കാണികളുടെ മുന്നിൽ വെച്ച് ആതിഥേയരായ യുറഗ്വായ്, അർജന്റീനയെ 4-2ന് തോൽപ്പിച്ച് കിരീടമണിഞ്ഞു. 18 മത്സരങ്ങൾ മാത്രമാണ് ആ ടൂർണമെന്റിൽ ഉടനീളം ഉണ്ടായിരുന്നത്. 70 ഗോളുകളാണ് ആകെ പിറന്നത്. ലോകക പ്പ് ചരിത്രത്തിലെ ആദ്യ ഗോൾ കുറിക്കപ്പെട്ടത് ഫ്രാൻസിന്റെ ലൂസിയൻ ലൊറെന്റിന്റെ പേരിലായിരുന്നു. മെക്സിക്കോയ്ക്കെതിരെയായിരുന്നു ഗോൾ.