വാഗ്ദഭടാനന്ദൻ അഭിനവകേരള ശിൽപി

മലബാറിലെ വിദ്യാഭ്യാസ രംഗത്ത് വാഗ്ഭടാനന്ദൻ ശ്രദ്ധേയ സംഭാവനകൾ നൽകി. ജാതീയമായും സാമ്പത്തികമായുമുള്ള വേർതിരിവുകളില്ലാത്ത വിദ്യാലയങ്ങൾ ഇദ്ദേഹം ആരംഭിച്ചു

മനുഷ്യനെ യഥാർഥ മനുഷ്യനാക്കി മാറ്റുക എന്ന ദൗത്യം ഏറ്റെടുത്ത സാമൂഹിക വിപ്ലവകാരിയാണ് വാഗ്ഭടാനന്ദൻ. കേരളമെമ്പാടും മതാന്ധതയ്ക്കും ദുരാചാരങ്ങൾക്കുമെതിരേ അദ്ദേഹം പോരാടി.

കണ്ണൂർ ജില്ലയിലെ പാട്യത്ത് വയലേരി തറവാട്ടിൽ 1885 ഏപ്രിൽ 27നാണ് ജനനം. കോരൻ ഗുരുക്കളും ചീരുവമ്മയും മാതാപിതാക്കൾ. കുഞ്ഞിക്കണ്ണൻ എന്നായിരുന്നു യഥാർഥ പേര്. വി.കെ. ഗുരുക്കൾ എന്നും ആദ്യകാലത്ത് അറിയപ്പെട്ടിരുന്നു. സംസ്കൃത പണ്ഡിതൻ കൂടിയായ പിതാവിന്റെ പാഠശാലയിലായിരുന്നു പ്രാഥമിക വിദ്യാഭ്യാസം. തുടർന്ന് തർക്കം, വ്യാകരണം തുടങ്ങിയവയിൽ അറിവു നേടി. 1905- ൽ കോഴിക്കോട്ടെത്തി ഡോ. അയ്യത്താൻ ഗോപാലൻ നേതൃത്വം നൽകിയ ബ്രഹ്മസമാജ പ്രവർത്തനങ്ങളിൽ ഏർപ്പെട്ടു. 1906- ൽ ജാതിയിൽ കുറഞ്ഞവർക്കും ദരിദ്രർക്കുമായി കോഴിക്കോട്ടെ കാരപ്പറമ്പിൽ "തത്ത്വപ്ര കാശിക' എന്ന വിദ്യാലയം സ്ഥാപിച്ചു. മലബാറിൽ സാധാരണക്കാർക്കിടയിൽ സംസ്കൃതം പ്രചരിപ്പിക്കുന്നതിൽ ഈ വിദ്യാലയം പ്രധാന പങ്കുവഹിച്ചു.