മാസ്കുകളുടെ ചരിത്രം

ചൈനയിലെ പുതിയ കോവിഡ് വൈറസ് ഇന്ത്യയിലുമെത്തിയതോടെ ഇടക്കാലത്ത് അപ്രത്യക്ഷമായ മാസ്കുകൾ വീണ്ടും തിരിച്ചെത്തിയിരിക്കുകയാണ്. കഴിഞ്ഞ രണ്ട് വർഷം കൊണ്ട് നമ്മുടെ നിത്യജീവിതത്തിൽ ഇടംപിടിച്ച മാസ്കിന്റെ ചരിത്രം പറയുകയാണ് ഈ ലേഖനത്തിൽ

- ഡോ. ലക്ഷ്മി. പി

കഴിഞ്ഞുപോയെന്ന് നാമെല്ലാവരും ആശ്വസിച്ച കോവിഡ് മഹാമാരി വീണ്ടും തിരിച്ചുവന്നിരിക്കുന്നു. കോവിഡ് മാനദണ്ഡങ്ങളും പെരുമാറ്റമര്യാദകളും കർശനമായി പാലിച്ചുതുടങ്ങണമെന്ന് വീണ്ടും ആരോഗ്യപ്രവർത്തകർ നിർദേശിക്കുന്നു. ഒഴിയാബാധയായി ഈ കോവിഡും അനന്തരവകഭേദങ്ങളും ഏറെ കാലങ്ങൾ ഭൂമുഖത്തുണ്ടാവുക തന്നെ ചെയ്യുമെന്ന് ലോകാരോഗ്യസംഘടന വിശദമാക്കുന്നു. ഈ സാഹചര്യത്തിൽ ‘മാസ്ക്’ അഥവാ  നിത്യ മുഖമറകളുടെ പ്രാധാന്യം ജീവിതത്തിൽ വീണ്ടും ശക്തമായിരിക്കുകയാണ്.

മാസ്ക് എന്ന വാക്കും അവയെ സംബന്ധിച്ച ധാരണകളും സാധാരണക്കാർക്കിടയിൽ പ്രചരിച്ചത് കോവിഡ് 19-ന്റെ വരവോടെയാണ്. എന്നാൽ നാം നിസാരമായി എടുത്തണിയുന്ന ഈ മുഖമറകൾക്ക് വലിയൊരു ചരിത്രം തന്നെ പറയാനുണ്ട്. മാസ്ക് എന്ന ഇംഗ്ലീഷ് പദത്തിന്റെ വരവ് അറബിഭാഷയിലെ മസ്‌കാര എന്ന പദത്തിൽ നിന്നാണെന്ന് കരുതപ്പെടുന്നു. ഫ്രഞ്ച്, ലാറ്റിൻ ഭാഷകളുടെ സ്വാധീനത്തോടെയാണ് മസ്‌കാര പിൽക്കാലത്ത് മാസ്ക് ആയി പരിണമിച്ചതത്രേ.

മസ്‌കാര എന്നാൽ കോമാളി എന്നായിരുന്നു അർഥം. അറബിയിലെ കോമാളിവേഷങ്ങൾ അണിഞ്ഞിരുന്ന മുഖമറകളിൽ നിന്നാണ് ഈ പദം രൂപപ്പെട്ടതെന്ന് കരുതാം.

ആരോഗ്യമേഖലയിൽ