ఉమ్మడి నల్గొండ జిల్లా ప్రజలు కాలుష్యంతో చావాల్సిందేనా?

• చౌటుప్పల్, చిట్యాల, పోచంపల్లి ప్రజలకు కాలుష్యంతో నరకం.. • నిబంధనలకు నిట్టనిలువునా పాతర.. • టాస్క్లేని ఫోర్స్ టాస్క్ ఫోర్స్..జీపీఎస్, జడ్.ఎల్.డీ. అంతా బూటకం • ఏరులై పారుతున్న వ్యర్థాలు.. • వసూళ్ళపై ఉన్న శ్రద్ధ, కాలుష్య నియంత్రణ లేదు • అక్రమ వసూళ్ళతో టీఎస్ పీసీబీ అధికారులు బిజీబిజీ 

• చౌటుప్పల్, చిట్యాల, పోచంపల్లి ప్రజలకు కాలుష్యంతో నరకం..

• నిబంధనలకు నిట్టనిలువునా పాతర..

• టాస్క్లేని ఫోర్స్ టాస్క్ ఫోర్స్..జీపీఎస్, జడ్.ఎల్.డీ. అంతా బూటకం • ఏరులై పారుతున్న వ్యర్థాలు..

• వసూళ్ళపై ఉన్న శ్రద్ధ, కాలుష్య నియంత్రణ లేదు

• అక్రమ వసూళ్ళతో టీఎస్ పీసీబీ అధికారులు బిజీబిజీ 

తెలంగాణ రాష్ట్ర కాలుష్య నియంత్రణ మండలి.. అవినీతి కాలుష్యంలో మునిగి తేలుతోంది.. కార్పొరేట్ ఫార్మా కంపెనీలకు కొమ్ముకాస్తూ.. అమాయక ప్రజల ప్రాణాలతో ఆటలాడుకుంటోంది.. దేశంలో మొదటి 10 స్థానాల్లో స్తానం సంపాదించుకున్న కంపెనీలు సైతం (దివిస్) అక్రమ సంపాదనకు అలవాటుపడి అవినీతి కూపంపై తమ సామ్రాజ్యాన్ని నిర్మించుకుంటున్నాయి.. తమ కంపెనీల వ్యర్ధాలను భూమిలోకి వదులుతూ పంచభూతాలను కలుషితం చేస్తున్నాయి.. ఈ భూమ్మీద ప్రజలకు జీవించే హక్కును కాలరాస్తున్నాయి.. కానీ తాము పుట్టినప్పుడే తమ మరణాన్ని ప్రకృతి నిర్దేశించిందని, అవసరానికి మించి అక్రమ సంపాదన కోసం అర్రులు చాచినా చివరకు తాము చేరాల్సింది ఆరడుగుల భూమిలోకి అన్న యదార్ధాన్ని గ్రహించకపోవడం దురదృష్టకరం..