కోట్లాది రూపాయల దేవుడి భూమికి ఎసరు పెట్టిన ప్రభుత్వం.

• దాతలు ఇచ్చిన భూమికి ధర్మకర్తలుగా మాత్రమే ప్రభుత్వం ఉండాలి • యజమానిగా భావిస్తున్న తెలంగాణ ప్రభుత్వం రంగారెడ్డి జిల్లా, షాబాద్ మండల పరిధిలోని సీతారాంపూర్లో అక్రమం • సర్వే నెంబర్ 1663 నుంచి 1673 వరకు దాదాపు 1148 ఎకరాల దేవాలయ మాన్యం

శ్రీ సీతా రామచంద్ర స్వామి భూమి కైంకర్యం..!

• దాతలు ఇచ్చిన భూమికి ధర్మకర్తలుగా మాత్రమే ప్రభుత్వం ఉండాలి

• యజమానిగా భావిస్తున్న తెలంగాణ ప్రభుత్వం రంగారెడ్డి జిల్లా, షాబాద్ మండల పరిధిలోని సీతారాంపూర్లో అక్రమం

• సర్వే నెంబర్ 1663 నుంచి 1673 వరకు దాదాపు 1148 ఎకరాల దేవాలయ మాన్యం

• శ్రీ సీతా రామచంద్ర స్వామి భూమిని ఎలక్ట్రికల్ వెహికల్ పార్క్ కోసం కేటాయింపు

కోర్టులో కేసు నడుస్తున్నా ఖాతరు చేయని తెలంగాణ ఐ.ఐ.సీ

దేవాలయాల సంరక్షణకు ఎందరో దాతలు ధన, కనక, వస్తు, భూమి రూపేణా కానుకలు అందజేస్తూ ఉంటారు.. ఇలా కానుకల ద్వారా వచ్చిన విత్తం ద్వారా వచ్చే ఆదాయాన్ని దేవాలయ అభివృద్ధితో పాటు ఇతర ఉపయోగకర కార్యక్రమాలకు వినియోగిస్తారు.. పేద రైతులకు కౌలుకు ఇచ్చి వారికి ఉపాధి కల్పించడమే కాకుండా, ఆ వచ్చే ఆదాయాన్ని పలు అభివృద్ధి కార్యక్రమాలకు వినియోగిస్తుంటారు.. ఇది అనాదిగా వస్తున్న ఆచారం.. అయితే దేవాలయానికి దాతలు ఇచ్చిన భూమికి అధికార ప్రభుత్వం ధర్మకర్తలుగా మాత్రమే వ్యవహరించాలి.. ఆ భూమిని కాపాడాలి.. అట్టి భూమిని అమ్మడం గానీ, ఇతరులకు కట్టబెట్టడం గానీ చేయకూడదు.. కానీ తెలంగాణ రాష్ట్ర ప్రభుత్వం తానే ఆ భూమికి యజమానిలా భావిస్తూ ఎలక్ట్రికల్ వెహికల్ పార్క్ కోసం కేటాయించడం అధికార ప్రభుత్వ అవినీతికి అద్దం పడుతోంది..