ఎవరి కోసం ఉత్సవాలు...

దశాబ్ది ఉత్సవాలతో మరింత అప్పుల్లోకి తెలంగాణ రాష్ట్రం

దశాబ్ది ఉత్సవాలతో మరింత అప్పుల్లోకి తెలంగాణ రాష్ట్రం

జీవితపు చివరి మజిలీలో ఆసరా కల్పించాలని, వృద్ధులు, దివ్యాంగులు, వితంతువులు, కుటుంబంలో సంపాదించే వ్యక్తులు  లేని వారికోసం సదుద్దేశ్యంతో ప్రారంభించిన ఆసరా పెన్షన్ల ప్రసహనం ఎండమావిలో నీటికోసం వెతుకున్నట్టుగానే మిగిలిపోయింది.. చివరి అంకంలో చిగురుటాకులా వణకి పోతున్న ముదుసలి జీవితాలకు ఆసరా కరువైపోయింది..కళ్ళల్లో నీళ్లు ఇంకిపోయినా ఇంకా చావని ఆశతో కొట్టుమిట్టాడుతున్న సంఘటనలు హృదయాన్ని కలచివేస్తున్నాయి..ఆసరా పెన్షన్లు అందాకా దిక్కుతోచని స్థితిలో ప్రాణాలు అరచేతిలో పెట్టుకుని అర్ధాకలితో గడుపుతున్న వారు కోకొల్లలుగా కనిపిస్తున్నారు.. ఎవరికీ చెప్పుకోవాలో తెలియక.. మృత్యువు జాడ తెలియక.. చస్తూ బ్రతుకుతూ.. జీవచ్చవాల్లా బ్రతుకునీడుస్తున్న అవ్వా, తాతలకు దిక్కెవ్వరు..? కోట్లాది రూపాయలు ఖర్చు పెట్టి జరుపుతున్న తెలంగాణ దశాబ్ది ఉత్సవాలు వారికి కనీసం అర్ధాకలి కూడా తీర్చలేకపోవడం ఎన్నుకున్న ప్రభుత్వాలు కల్పించిన దౌర్భాగ్యపు పరిస్థితులకు అద్దం పడుతున్నాయి.. ఆసరా అందని ద్రాక్షపండులా మారిన వైనం ప్రతి హృదయాన్ని కన్నీళ్లు పెట్టిస్తున్నాయి..

• ఆసరా పెన్షన్ల కోసం, జీతభత్యాల కోసం ఉద్యోగుల ఎదురుచూపులు..

• కన్నీరు ఇంకిన కళ్ళల్లో ఇంకా చావని ఆశలు

• రోజొక్క తీరుగా ఉత్సవాలు..

• ఈ నెలలో 17 జిల్లాల్లోనే పెన్షన్ క్రెడిట్.. 

• నిధుల లేమి ప్రధాన కారణం..

• సంబురాల ఖర్చులో 10 శాతం చాలు ఆసరా పంచడానికి..

• పేరు గొప్ప.. ఊరు దిబ్బ అన్నట్లు పరిస్థితులు