అధికారంలోకి వస్తే వితంతువులు, వృద్ధులకు రూ.4 వేల పెన్షన్

• ఖమ్మం జనగర్జన సభలో కీలక ప్రకటన చేసిన రాహుల్ గాంధీ.. • రాబోవు ఎన్నికల్లో కాంగ్రెస్, బీ.ఆర్.ఎస్. ల మధ్యే ప్రధాన పోటీ..

• ఖమ్మం జనగర్జన సభలో కీలక ప్రకటన చేసిన రాహుల్ గాంధీ..

• రాబోవు ఎన్నికల్లో కాంగ్రెస్, బీ.ఆర్.ఎస్. ల మధ్యే ప్రధాన పోటీ..

• రాహుల్ గాంధీ సమక్షంలో కాంగ్రెస్ కండువా కప్పుకున్న పొంగులేటి..

• తెలంగాణాలో కాంగ్రెస్ జెండా ఎగురవేస్తామన్న పొంగులేటి శ్రీనివాస్ రెడ్డి..

• సభకు భారీ ఎత్తున హాజరైన కాగ్రెస్ అభిమానులు, కార్యకర్తలు..

• బీ.ఆర్.ఎస్. పై నిప్పులు చెరిగిన రేవంత్ రెడ్డి, బట్టి, ఉత్తమ్ తదితర నేతలు..

రాహుల్ సమక్షంలో కాంగ్రెస్ చేరుతున్న పొంగులేటి

ఖమ్మం, 02 జులై (ఆదాబ్ హైదరాబాద్) : ఖమ్మం గుమ్మం సాక్షిగా కాంగ్రెస్ యువనేత రాహుల్ గాంధీ కీలక ప్రకటన చేశారు. తెలంగాణలో కాంగ్రెస్ అధికారంలోకి వస్తే వితంతువులు, వృద్ధులకు రూ. 4వేల పెన్షన్ను అందిస్తామని హామీ ఇచ్చారు. అలాగే ఆదివాసీలకు పోడు భూమలు పంపిణీ చేస్తామన్నారు. ఆదివారం జనగర్జన పేరుతో కాంగ్రెస్ పార్టీ నిర్వహించిన భారీ బహిరంగ సభకు రాహుల్ గాంధీ హాజరయ్యారు. ఈ సందర్భంగా మాట్లాడిన ఆయన కాంగ్రెస్ ఎన్నికల మానిఫెస్టోను ప్రకటించారు. తెలంగాణలో కాంగ్రెస్ అధికారంలోకి వస్తే వితంతువులు, వృద్ధులకు రూ.4వేల పెన్షను అందిస్తామని హామీ ఇచ్చారు. ఇక రాబోయే ఎన్నికల్లో కాంగ్రెస్, బీజేపీ బీ టీమ్ మధ్య ప్రధాన పోరు ఉంటుందని, తెలంగాణలో బీజేపీ అడ్రస్ లేకుండా పోయిందని రాహుల్ పేర్కొన్నారు.