మాట తప్పిందా..మడమ తిప్పేసిందా!

• షర్మిల రాజకీయ ప్రస్థానానికి బ్రేకులు పడ్డాయా...? • మడమ తిప్పేది లేదన్న అక్క.. అడుగులు తడబడినట్లేనా! • షర్మిల మొదలెట్టిన ప్రజా ప్రస్థానం ఆగిపోయిందా...? 

• షర్మిల రాజకీయ ప్రస్థానానికి బ్రేకులు పడ్డాయా...?

• మడమ తిప్పేది లేదన్న అక్క.. అడుగులు తడబడినట్లేనా!

• షర్మిల మొదలెట్టిన ప్రజా ప్రస్థానం ఆగిపోయిందా...? 

• పాలేరులో పోటీ చేస్తానన్న అధినేత్రి వెనక్కి తగ్గిందా..?

• తెలంగాణలో వైయస్సార్ టీపీ కనుమరుగేనా...

• వైయస్సార్ టీపీని కాంగ్రెస్ లో విలీనం చేస్తారా..? 

వై.ఎస్. వారసత్వాన్ని పుణికిపుచ్చుకుని.. రాజన్న వదిలిన బాణం అంటూ.. ప్రజా క్షేత్రంలో దూసుకుపోతున్న డైనమిక్ మహిళా లీడర్ వై.ఎస్. షర్మిల తన దారి మార్చుకుందా..? ఆమెలో వాడి వేడి తగ్గిందా..? తన రాజకీయ భావితవ్యం కోసం.. స్వతహాగా ఏర్పడ్డ స్వభావాన్ని మార్చుకుంటూ అశేష అభిమానులకు నిరాశను మిగిల్చుతోందా..? అన్న ప్రశ్నలకు అవుననే సమాధానం చెబుతున్నాయి జరుగుతున్న వాస్తవ పరిస్థితులు..

హైదరాబాద్, 11 ఆగస్టు ( ఆదాబ్ హైదరాబాద్ : పులి కడుపున పులే పుడుతుంది.. వైయస్సార్ బిడ్డ మాటంటే మాటే.. వెనుతిరిగేది లేదు.. మడమ తిప్పేది లేదు.. పాలేరు మట్టి సాక్షిగా చెప్తున్న, వైయస్సార్ సంక్షేమ పాలనను గడప గడపకు అందిస్తా అంటూ ప్రజాప్రస్థానం పాదయాత్ర మొదలు పెట్టి తెలంగాణ ప్రజలకు దగ్గరైన స్వర్గీయ వైయస్ రాజశేఖర రెడ్డి తనయ షర్మిల,

పాలేరు లోనే పోటీ చేస్తానంటూ అక్కడి ప్రజలకు మరింత దగ్గరైంది... రాష్ట్ర వ్యాప్తంగా అధికారపార్టీ ప్రజా వ్యతిరేక విధానాలపై షర్మిల తనదైన శైళిలో విరుచుకు పడ్డారు... ప్రజాప్రస్థానం పాదయాత్ర ద్వారా రాష్ట్రంలో 3800 కిమీ నడిచి తెలంగాణ ప్రజలకు చేరువయ్యారు... ఎక్కడికక్కడ ప్రతి జిల్లాలో అక్కడి ఎమ్మెల్యేలు, ప్రజా ప్రతినిధులను కూడా టార్గెట్ చేసి మరీ కడిగి పారేశారు...అయితే ఎంతో నమ్మకంతో రాజన్న రాజ్యాన్ని తెలంగాణలో తప్పకుండా తీసుకవస్తానంటూ శపధంచేసి మరీ వైయస్సార్ తెలంగాణ పార్టీని స్థాపించిన షర్మిల ఇప్పుడు కాస్త గడ్డు పరిస్థితులను ఎదుర్కొంటునట్లు తెలుస్తుంది... అంతే కాకుండా పాలేరులోనే పోటీ చేసి తీరుతా అంటూ ప్రకటించిన వైయస్ షర్మిల ఇప్పుడు తన నిర్ణయాన్ని పూర్తిగా మార్చుకున్నారనే ప్రచారం జరుగుతుంది..