మత్తులో యువత చితు

ప్రశ్నార్థకంగా మారిన తెలంగాణ భవిష్యత్తు

ప్రశ్నార్థకంగా మారిన తెలంగాణ భవిష్యత్తు

• లేవండి మేల్కోండి.. గమ్యం చేరేవరకూ విశ్రమించకండి - స్వామి వివేకానంద

• స్వేచ్ఛ, సమానత్వం, సోదరభావం నేర్పించే మతాన్ని యువత స్వీకరించాలి - డా|| అంబేడ్కర్

• ఓటు, సత్యాగ్రహం ఈ రెండూ ప్రజలచేతిలోని ఆయుధాలు దీన్ని యువత ప్రేరేపించాలి - మహాత్మా గాంధీ

• వారు పుట్టుకతోనే వృద్ధులయ్యారా..చేవచచ్చి జీవచ్ఛవాల్లా మారారా..?

• రాక్షస రాజకీయాలను మార్చే సాహసం చేయలేరా..?

• ముక్క, చుక్క వదిలేసి భవితవ్యం వైపు చుక్కాని అవ్వండి

• వివేకానందుడి మాటలు ఒకసారి మననం చేసుకోండి

• అంబేడ్కర్ మీకిచ్చిన ఆయుధాన్ని సారించండి 

• ఇంకెన్నాళ్లు ఈ వయసుమీరిన రాజకీయుల అరాచకాలు

• యువతరం కళ్లుతెరిస్తేనే నవశకం మొలకెత్తుతుంది..

• ఆదాబ్ పాఠకుల కోసం బీవీఆర్ రావు అందిస్తున్న ప్రత్యేక కథనం

కొంతమంది యువకులు ముందుయుగం దూతలు అన్న శ్రీ శ్రీ మాటలని నిజం చేసే యువత నిజంగా ఉన్నారా..? ఉంటే ఎందుకు మౌనంగా ఉన్నారు..? ఏదైనా సాధించగల సత్తా ఉన్న యువత ఎందుకు నిర్వీర్యం అయిపోతోంది..? సమ సమాజ స్థాపనలో ఎందుకు వెనుకంజ వేస్తోంది..? చరిత్ర సృష్టించిన వారిలో యువతే కనిపిస్తారు..అఖండభారత నిర్మాణానికి నడుకట్టి అసువులు బాసిన యువత నడయాడిన దేశం మనది.. అలాంటి భారతావనిలో ఈరోజు యువత మగతలో బ్రతుకుతోంది.. ఇది వాంఛనీయం కాదు.. చేవచచ్చిన యువత జీవచ్ఛవంలా బ్రతుకు తుండటం శోచనీయం.. భరతమాత కొంగుబంగారమై యువత ఇప్పటికైనా మేల్కోవాల్సిన అవసరం ఎంతో ఉంది.. ఓ యువతా నిజాలను గ్రహించు.. గాడితప్పుతున్న రాజకీయ అరాచకాలకు అంతం పలుకు.. ఇది కేవలం యువత వల్లే సాధ్యం అవుతుందన్న నిజాన్ని గ్రహించు.. భరతమాత కంటినుంచి జారుతున్న కన్నీటిబొట్టును చెంపమీదే తుడిచే ప్రయత్నం చెయ్.. భవిష్యత్ తరాలకు బంగారు బాటలు వేయడానికి నీలోని శక్తిని వెలికి తీయ్.. కదం బడావో.. తెలంగాణకో.. ఔర్ భారత్ కో బచావో..