ప్రగతి నివేదన సభ సక్స్సెస్సా..!?

మెడికల్ కళాశాల, బీఆర్ఎస్ పార్టీ కార్యాలయం, ఎస్పీ కార్యాలయం, వెజ్, నాన్ వెజ్ మార్కెట్, కలెక్టర్ కార్యాలయం ప్రారంభం ..

మెడికల్ కళాశాల, బీఆర్ఎస్ పార్టీ కార్యాలయం, ఎస్పీ కార్యాలయం, వెజ్, నాన్ వెజ్ మార్కెట్, కలెక్టర్ కార్యాలయం ప్రారంభం ..

గులాబిమయంగా మారిన సూర్యాపేట జిల్లా...

ముగ్గురు ఎమ్మెల్యేలను గెలిపించాలన్న సీఎం..

ఆశ్చర్యానికి గురైన ప్రజలు, సభ ప్రాంగణం మీదున్న మంత్రులు, ఎమ్మెల్యేలు..

సీఎం స్పీచ్ కనిపించని ఉత్సాహం..

కొత్తగా హామీలు ఏమీ ఇవ్వలే..

నిరుత్సాహంతో వెను తిరిగిన జిల్లా ప్రజలు..

జీవో నెంబర్ 46 తొలగించాలంటూ 18 008 నిరుద్యోగుల ప్లకార్డుల ప్రదర్శన..

సూర్యాపేట, 20 ఆగస్టు ( ఆదాబ్ హైదరాబాద్ ) : సీఎం కేసీఆర్ ఆదివారం సూర్యాపేట జిల్లాలో పలు జిల్లా కార్యాలయాలను స్థానిక ఎమ్మెల్యే మంత్రి జగదీష్ రెడ్డి తో కలిసి ప్రారంభించారు.. హైదరాబాద్ బేగంపేట నుండి సూర్యాపేట జిల్లాకి హెలి కాఫ్టర్ లో చేరుకున్న ఆయన, ముందుగా 20 ఎకరాల విస్తీర్ణంలో రూ.156 కోట్ల తో నిర్మించిన మెడికల్ కలశాలను ప్రారంభించారు. అక్కడి నుండి మినీ ట్యాంక్ బండ్ మీదగా మహా ప్రస్థానం ముందర నుండి ఇంటి గ్రేటెడ్ వెజ్, నాన్ వెజ్ సమీకృత మార్కెట్ (మూడు కోట్ల 18 లక్షలు)ను (3.10 పి.ఎం) ప్రారంభించి, మార్కెట్ మొత్తాన్ని కలియ తిరుగుతూ రైతులు ఏర్పాటు చేసిన కూరగాయల షాపులను పరిశీలిస్తూ కూరగాయల వ్యాపారస్తులతో మాట్లాడారు. అక్కడి నుండి నల్ల చెరువు సమీపంలో నూతనంగా ఏర్పాటు చేసిన భారతీయ రాష్ట్ర సమితి జిల్లా కార్యాలయాన్ని (3.35 గం.. లకు) ప్రారంభించారు. పక్కనే ఉన్న జిల్లా పోలీస్ కార్యాలయం (20 ఎకరాల్లో రూ.38.50 కోట్లు) చేరుకొని ముందుగా పోలీస్ ల గౌరవ వదనం స్వీకరించి.. కార్యాలయ భవనం ప్రారంభించి (4.48 గం..లకు ), జిల్లా ఎస్పీ ఛాంబర్ లో ఎస్పి రాజేంద్ర ప్రసాద్ ని కుర్చీలో కూర్చోబెట్టి ఆశీర్వచనం చేసి శు భాకాంక్షలు తెలిపారు. అక్కడి నుండి జిల్లా సమీకృత కలెక్టర్ కార్యాలయం ప్రారంభించి (4.10) అక్కడ ఏర్పాటు చేసిన పూజలో పాల్గొన్నారు. జిల్లా కలెక్టర్ ఎస్. వెంకట్రావును ఆయన ఛాంబర్ లో కుర్చీలో కూర్చోబెట్టి ఆశీర్వచనం చేసి, శుభాకాంక్షలు తెలిపారు. అక్కడే ప్రధాన సమావేశ మందిరంలో ఉద్యోగులతో సీఎం ముచ్చటించారు. అనంతరం స్టేట్ ఛాంబర్ లో తేనీటి విందులో పాల్గొన్నారు. అనంతరం ఈనాడు కార్యాలయం ఎదురుగా ఏర్పాటు చేసిన ప్రగతి నివేదన సభలో (5.14 గం..లకు ) పాల్గొన్నారు.