మైనార్టీ గురుకుల సొసైటీలో అవినీతి కంపు

• పోస్టుకో రేట్.. వస్తువుకింత కమీషన్  • ఇతర వెల్ఫేర్లలో లేని కొత్త రకం పోస్టులు •అంగట్లో జెల్ల-పరకల్లా అమ్మబడిన ఔట్ సోర్సింగ్ ఉద్యోగాలు

• హెడ్ ఆఫీసులో 80 శాతం స్టాఫ్ ఔట్ సోర్సింగ్ వాళ్లే 

• వీళ్లను కాదని ఒక్క ఫైలు కూడా ముందుకు వెళ్లని పరిస్థితి

• ఆడిటింగే ఓ పెద్ద బోగస్ యవ్వారంగా మారిన వైనం

• ఔట్ సోర్సింగ్ ఉద్యోగి లతీఫే ఆఫీస్ హెడ్..!

ఆయనకే వత్తాసు పలికిన కారదర్శి షఫీఉల్లా, అప్పటి డైరెక్టర్ ఏకే ఖాన్

Shafiullah IFS TMREIS secretary

• బీఆర్ఎస్ సర్కార్లో పూర్తిగా భ్రష్టుపట్టిన మైనార్టీ గురుకుల వ్యవస్థ 

• కొత్త సర్కార్ నజర్ పెడితే అసలు లీలలు బయటకు వచ్చే ఛాన్స్

హైదరాబాద్,28డిసెంబర్ (ఆదాబ్ హైదరాబాద్ : తెలంగాణ మైనార్టీ గురుకుల సోసైటీ పీకల్లోతు అవినీతిలో కూరుకు పోయిం ది. బీఆర్ఎస్ సర్కార్ హయాంలో జరిగిన కర్షన్ కంపు వాసనలు ఇప్పటికీ బలంగానే ఉన్నాయి. గురుకుల కార్యదర్శి షఫీఉల్లా, అప్పటి డైరెక్టర్ ఏకే ఖాన్ అండదండలతో వారి తాబేదారు లతీఫ్ చాన్నాళ్లుగా రెచ్చిపోతున్నారు. టెండర్ కు ఒక లెక్క, ఔట్ సోర్సింగ్ జాబ్ కు మరో లెక్క. ఇతరత్రా యవ్వా రాలకు మరో లెక్క అన్నట్లు సాగుతోంది యవ్వారం. ముఖ్యమంత్రి కేసీఆర్ ప్రభుత్వంలో దొరికిన విచ్చలవిడి తనంతో ఇష్టారాజ్యంగా ఇక్కడ కర్షన్ వ్యవహారాలు ఇప్పటికీ సాగుతున్నాయి. తెలంగాణ రాష్ట్ర ఏర్పాటు తర్వాత మైనార్టీ సామాజిక వర్గాలకు మెరుగైన విద్యా వ్యవస్థను అందించాలనే లక్ష్యంతో గత ప్రభుత్వం 2016లో తెలంగాణ మైనార్టీ గురుకులాలకు అంకురార్పణ చేసింది. అందు లో భాగంగా ఇప్పటి వరకూ రాష్ట్ర వ్యాప్తంగా 204 మైనార్టీ గురు కులాల పాఠశాలలు రన్ అవుతున్నాయి. ఇందులో 107 బాలుర, 97 బాలికల పాఠశాలలున్నాయి. వీటిలో సుమారు 1,30,560 వరకు విద్యార్థులు చదువుతున్నారు. అయితే ఎంతో బృహాత్ లక్ష్యంతో ఏర్పాటు చేయబడిన ఈ పాఠశాలల్లో కేసీఆర్ సర్కార్ హ యాంలో అవినీతి ఊడలూనుకుంది. అదే కంపు వాసనలు ఇంకా కొనసాగుతూనే ఉన్నాయి. మైనార్టీ గురుకుల సోసైటీ నిర్వాహణ, స్టాఫ్ ఎంపికలో విచ్చలవిడిగా అవినీతి పెరిగిపోయింది.

ఔట్ సోర్సింగ్ ఉద్యోగాల అమ్మివేత..!