ఫిరాయింపులకు ఆద్యుడే కేసీఆర్

ప్రభుత్వం ఇచ్చిన హామీలను అమలు చేస్తోంది.. కొత్త టీపీసీసీని నియమించాలని అధిష్టానాన్ని కోరా ఎవరికి బాధ్యతలు అప్పగించినా కలిసి పని చేస్తా.. మంత్రివర్గ విస్తరణపై ఎలాంటి నిర్ణయం తీసుకోలేదు.. జీవన్ రెడ్డి అంశంతో లబ్ది పొందాలని చూశారు.. ఆయన గౌరవానికి భంగం కలగకుండా చూసుకుంటా.. ఢిల్లీలో మీడియా సమావేశంలో సీఎం రేవంత్ రెడ్డి

• రాహుల్ ఇచ్చిన హామీ మేరకు రుణమాఫీ

• కాంగ్రెస్ ఎమ్మెల్యేలకు కేసీఆర్ కండువా కప్పలేదా ప్రభుత్వాన్ని పడగొడ్తమాంటే ఊరుకుంటామా..

• కాంగ్రెస్ సర్కార్ వంద రోజులు ఉండదన్నరు

• కేసీఆర్ తెలంగాణ ప్రజలకు క్షమాపణ చెప్పాలి

• మొన్నటి వరకు ఫామ్రాజ్ గేట్ తాకనీయలే

• ఇప్పుడు పిలిచి బంతిభోజనాలు పెడుతుండు

• పార్లమెంటులో బీజేపీకి ఓటేయించిన ఘనులు కేసీఆర్ తీరుపై సీఎం రేవంత్ రెడ్డి ఫైర్

హైదరాబాద్ 27 జూన్ (ఆదాబ్ హైదరాబాద్): కాంగ్రెస్ అగ్రనేత రాహుల్గాంధీ ఎన్నికల్లో ఇచ్చిన హామీ మేరకు రుణమాఫీ చేయబోతున్నామని సీఎం రేవంత్రెడ్డి తెలిపారు. పీసీసీ అధ్యక్షుడిగా మంచి విజయాలు సాధించానని చెప్పారు. ఎమ్మెల్సీ జీవన్ రెడ్డి అనుభవాన్ని కాంగ్రెస్ పార్టీ వినియోగించుకుంటుందని అన్నారు.

దిల్లీలో నిర్వహించిన మీడియా సమావేశంలో రేవంత్ మాట్లాడారు. పార్టీ ఫిరాయింపులపై మాట్లాడే నైతికత కేసీఆర్కు లేదని, దానికి పునాది వేసింది కేసీఆరే అని అన్నారు. గతంలో 61 మంది ఎమ్మెల్యేలు, ఎమ్మెల్సీలను

ఆయన లాక్కున్నారు. ఆ విషయం ఆయనకు గుర్తులేదా? ఫిరాయింపులను ప్రోత్సహించి నందుకు కేసీఆర్ క్షమాపణలు చెప్పాలి.. ముక్కు నేలకు రాయాలి. మా ప్రభుత్వం వచ్చిన నెలరోజుల్లోనే కూలిపోతుందని కేటీఆర్, హరీశ్రావు అన్నారు. వారి మాటలకు అప్పట్లో భాజపా వంతపాడింది. ప్రభుత్వాన్ని కూలగొడతామని భారాస, భాజపా రంకెలేశాయి. ప్రభుత్వాన్ని పడగొట్టాలనుకోవడమే కేసీఆర్ భావదారిద్య్ర్యమని అన్నారు. ఇప్పటికీ ఆయనకు కనువిప్పు కలగలేదు.

పార్లమెంట్ ఎన్నికల్లో భారాస

(మొదటి పేజీతరువాయి) కేసీఆర్ను ఓటింగ్ 16 శాతానికి తగ్గింది. కాంగ్రెస్ ను ఓడించేందుకు లోక్సభ ఎన్నికల్లో భాజపాను కేసీఆర్ గెలిపించారు.