ఆస్తుల రక్షణకు హైడ్రా..

• హైడ్రాకు అసవరమైన సిబ్బంది కేటాయింపు.. • 259 మంది సిబ్బందితో కొత్త టీం రెడీ

• ప్రత్యేకంగా హైడ్రా పోలీస్ స్టేషన్ ఏర్పాటు

• చెరువుల పరిరక్షణపై రంగంలోకి దిగిన రంగనాథ్

• కమిషనర్ పనితీరుపై దానం ఆగ్రహం

• తన పనికి అడొస్తున్నాడని విమర్శలు

హైదరాబాద్ 13, ఆగస్టు (ఆదాబ్ హైదరాబాద్): గ్రేటర్ హైదరాబాద్లో ప్రభుత్వ ఆస్తుల పరిరక్షణకు, విపత్తు నిర్వహణ కోసం ఏర్పాటు చేసిన హైడ్రా హైదరాబాద్ డిజాస్టర్, రెస్పాన్స్ అండ్ అసెట్స్కు అవసరమైన ఆఫీసర్లు, సిబ్బందిని ప్రభుత్వం కేటాయించింది. 259 మంది ఆఫీసర్లు, సిబ్బందిని కేటాయిస్తూ ఆదేశాలు జారీ చేసింది. ఒక్క ఐపీఎస్, ముగ్గురు గ్రూప్ 1 స్థాయి ఎస్పీలు, 5 మంది డిప్యూటీ స్థాయి సూపరింటెండెంట్లు, 21 మంది ఇన్స్పెక్టర్లు, 33 మంది సబ్ ఇన్ స్పెక్టర్లు, 5 మంది రిజర్వ్ ఇన్ స్పెక్టర్లు, 12 మంది రిజర్వ్ ఎస్ఐలు, 101 మంది కానిస్టేబుల్స్, 72 మంది హోంగార్డ్స్, 6 మంది అనలిటికల్ ఆఫీసర్లను కేటాయిస్తూ మున్సిపల్ శాఖ ప్రిన్సిపల్ సెక్రటరీ దాన కిషోర్ ఆదేశాలు జారీ చేశారు. 3500 మంది అవసరమని హైడ్రా కమిషనర్ ప్రభుత్వాన్ని కోరిన సంగతి తెలిసిందే.