కనీస వసతులకు నోచుకోని దాసర్లపల్లి..?

ప్రజా సమస్యలే పరిష్కారం మా ధ్యేయం.. అటు ప్రజాప్రతినిధులు, ఇటు అధికారులు పదే పదే.. నిత్యం ఊదరగొట్టే పెద్ద వాగ్దానం.

ప్రజా సమస్యలే పరిష్కారం మా ధ్యేయం.. అటు ప్రజాప్రతినిధులు, ఇటు అధికారులు పదే పదే.. నిత్యం ఊదరగొట్టే పెద్ద వాగ్దానం. కానీ, అది నీళ్లమూటగానే మిగిలిపోతోంది. ప్రతి సోమవారం స్పందన పేరుతో ప్రజా వినతులు స్వీకరణ.వాటికి తక్షణ పరిష్కారమంటూ హామీల గొప్పలు. ప్రజా ప్రతినిధులు, ఎమ్మెల్యేలు, మంత్రులు గడప గడపకు మన ప్రభుత్వం అంటూ నిత్యం పర్యటన. సమస్యలను అక్కడికక్కడే పరిష్కారం చేస్తామని వాగ్దానాల వెల్లువ. పల్లెపల్లెకు తిరుగుతారు. వీధి వీధికి వెళతారు. గడప గడపను తొక్కుతారు. కానీ, ఎక్కడ సమస్యలు అక్కడే గప్్చఫ తయారైంది. ఎక్కడో కాదు.. సాక్షాత్తు రాష్ట్ర మంత్రి ప్రాతినిథ్యం వహిస్తున్న పుంగనూరు నియోజకవర్గ సమీపంలోని పలమనేరు నియోజకవర్గం, పెద్దపంజాణి మండలంలోని ఓ చిన్న గ్రామం. ఆ గ్రామం పేరే దాసర్లపల్లి.. అయితేనేం.. ఆ గ్రామం పుట్టెడు కష్టాల్లో మునిగి తేలుతోంది.

పట్టించుకొనే నాధుడు కరువయ్యారు. స్థానిక సర్పంచు నుంచి రాష్ట్ర మంత్రి వరకు, పంచాయతీ కార్యదర్శి నుంచి ఎంపీడీఓ, ఎమ్మార్వో, ఎంపీపీలు ఎందరున్నా వారికి దాసర్లపల్లి గోడు పట్టదు. ఎందుకో ఆ గ్రామంపై అందరికీ శీతకన్నే.. ఏమిటో ఎవరికీ అర్థం కావడం లేదు. ఆ గ్రామాన్ని వేధిస్తున్న పెద్ద సమస్య కనీస వసతులు.. ఎవరు స్పందిస్తారో.. ఎవరు ఆ గ్రామాన్ని బాగు చేస్తారో అని ఆ ఊరి ప్రజలు ఎదురు చూసి చూసి కళ్లు చమ్మగిల్లుతోంది. కన్నీటి పర్యంతమవుతోంది. కనీసం జిల్లా అధికార యంత్రాంగమైనా స్పందించాలని ఆ పల్లె ప్రజానీకం వేడుకుంటోంది.

* ఏళ్లకు ఏళ్లు గడిచిపోయింది..

* కనీస వసతులు మృగ్యం ఎన్టీఆర్ హయాంలోని చిన్నపాటి తాగునీటి ట్యాంకులే గతి..