குன்றத்தூர் முருகன் கோயிலில் சூரசம்ஹார விழா கோலாகலம்

தூர் முருகன் கோயிலில் சூரசம்ஹார விழாவில் முருகப்பெருமான் சூரனை வதம் செய்தார்.

பிள்ளர், அவர் சேவல், முருகப்பெருமான் குன்றத்தூரில் மிகவும் பிரசித்தி பெற்ற முருகன் கோவில் அமைந்துள்ளது.

மலைக்குன்றின் மேல் அமைந்துள்ள இக்கோவிலுக்கு தினமும் சென்னை, காஞ்சிபுரம், செங்கல்பட்டு, திருவள்ளூர் ஆகிய மாவட்டங்களில் இருந்து தினமும் ஏராளமான பக்தர்கள் வருகை தந்து சாமி தரிசனம் செய்து செல்கின்றனர். இக்கோயிலில் முருகனுக்கு உரிய திருவிழாக்கள் வெகு சிறப்பாக நடைபெறுவது வழக்கம்.

அந்த வகையில், கந்த சஷ்டி விழாவினை முன்னிட்டு லட்சார்ச்சனை விழா கடந்த வாரம் வெகு விமரிசையாக ஆரம்பமானது.

அதனைத் தொடர்ந்து நேற்று மலையடி வாரத்தின் கீழ் பகுதியில் சூரசம்ஹார விழா சிறப்பாக நடைபெற்றது. இதில், முருகனுக்கு சிறப்பு அவங்காரம் செய்யப்பட்டு மலையின் மேல் இருந்து சுமந்து வரப்பட்டு, கோயில் மலை அடிவாரத்தில் வைத்து சூரசம்கார விழா நடைபெற்றது. பின்னர் முருகன் சூரனை வதம் செய்யும் நிகழ்ச்சி நடைபெற்றது.

இறுதியாக சூரனை வதம் செய்து சேவல் மற்றும் கொடியுடன் இருக்கும் காட்சி அரங்கேற்றப்பட்டது. சினிமா துறையைச் சேர்ந்த ஏராளமான பக்தர்கள் தேவர்கள், அசுரர்கள் போன்று வேடமிட்டு, போர் புரிவது போன்ற காட்சிகளும் அரங்கேற்றம் செய்யப்பட்டது.

முருகன் சூரனை வதம் செய்த பிறகு, நகை முக வள்ளியுடன் உறை கந்தழீஸ்வரர் கோயிலில் வேல் ஒப்படைக்கும் நிகழ்ச்சியும் நடைபெற்றது. இதையடுத்து சூரனை வதம் செய்த முருகனை ஊர்வலமாக மலையின் மேல் அமைந்துள்ள கோவிலுக்கு மீண்டும் எடுத்துச் சென்று சிறப்பு பூஜைகள் செய்யப்பட்டது.