புழல் காவாங்கரை பகுதியில் தேசிய நெடுஞ்சாலையில் அடிக்க.ஏற்படும் போக்குவரத்து நெரிசல்

புழல் காவாங்கரையில் சென்னை - கொல்கத்தா தேசிய நெடுஞ்சாலையில் அடிக்கடி ஏற்படும் போக்குவரத்து நெரிசலால் வாகன ஓட்டிகள் கடும் சிரமத்திற்குள்ளாகி வருகின்றனர். இதனை தடுக்க நடவடிக்கை எடுக்க வேண்டும் என்று சமூக ஆர்வலர்கள் கோரிக்கை வைத்துள்ளனர்.

சென்னை கொல்கத்தா தேசிய நெடுஞ்சாலை புழல், காவாங்கரை, செங்குன்றம், செல்லும் திசையிலும், செங்குன்றத்திலிருந்து புழல் செல்லும் திசையிலும் தினசரி போக்குவரத்து பல மணி நேரம் சுமார் ஒரு கிலோ மீட்டர் தூரத்துக்கு வாகனங்கள் வரிசையாக நின்று ஊர்ந்து ஊர்ந்து செல்கின்ற அவலநிலை உள்ளது.

இதனால், அவசர நேரங்களில் செல்லக்கூடிய ஆம்புலன்ஸ் மற்றும் வாகனங்கள் சாலையின் இரண்டு பக்கங்களிலும் சிக்கிக்கொண்டு, கடந்து செல்ல முடியாமல் வாகன ஓட்டிகள் தினசரி அவதிப்பட்டு வருகின்றனர். குறிப்பாக, நேற்று முன்தினம் ஞாயிற்றுக்கிழமை மற்றும் திருமண நாள் என்பதனால், அதிகளவில் வாகனங்கள் சென்றதால் நெரிசலில் சிக்கி பல நேரம் காத்திருந்து சென்றனர்.