பொதுக்குழு முடிந்த மறுநாளே நியமன கடிதம் பாமக மாநில இளைஞரணி தலைவராக முகுந்தன் நீடிக்கிறார்

பாமக மாநில இளைஞரணி தலைவராக முகுந்தன் நீடிப்பதாகவும், கட்சியின் சிறப்பு பொதுக்குழு முடிந்த அடுத்த நாளே நியமன கடிதம் வழங்கப்பட்டதாகவும் ராமதாஸ் தெரிவித்தார்.

விழுப்புரம் மாவட்டம், திண்டிவனம் அருகே தைலாபுரம் இல்லத்தில் பாமக நிறுவனர் ராமதாஸ் நேற்று நிருபர்களிடம் கூறியதாவது:
தமிழகத்தில் சட்டம்- ஒழுங்கு பாதுகாப்பதில் கூடுதல் கவனம் தேவை. காவல்துறையை சுதந்திரமாக செயல்பட அனுமதிக்க வேண்டும். தமிழகத்தில் அதிகாரப்பூர்வமாக 4,829 டாஸ்மாக் கடைகள் உள்ளன. இதன் அருகில் சந்துக்கடைகள் நடத்துபவர்களை குண்டர் சட்டத்தின்கீழ் அடைத்திருக்க வேண்டும். இதில் நடவடிக்கை எடுக்காவிடில் முற்றுகையிடும் போராட்டத்தை பாமக நடத்தும்.