காதலியை கொன்றதற்கு தன்னை பழிதீர்ப்பான் என்ற அச்சத்தில் கோயிலுக்குள் புகுந்து 2 ரவுடிகள் கொலை

தப்பியோடிய கொலையாளிகளை பிடிக்க உதவி கமிஷனர் தலைமையில் 3 தனிப்படை

காதலியை கொன்றதற்கு தன்னை கொன்றுவிடுவான் என்ற அச்சத்தில், முன்கூட்டியே திட்டமிட்டு கோட்டூர்புத்தில் கோயில் வளாகத்தில் தூங்கிக் கொண்டிருந்த ரவுடிகள் 2 பேரை, 8 பேர் கொண்ட கும்பல் அரிவாளால் கொடூரமாக வெட்டி படுகொலை செய்தனர். இந்த சம்பவம் அப்பகுதி மக்களிடையே பரபரப்பை ஏற்படுத்தியுள்ளது.

சென்னை கோட்டூர்புரம் சித்ரா நகர் யு பிளாக் பகுதியை சேர்ந்தவர் அருண் (25). ரவுடியான இவர் மீது 6 வழக்குகள் உள்ளது. வழக்கம் போல் நேற்று முன்தினம இரவு சக ரவுடியான சுரேஷ் (எ) படப்பை சுரேஷ் (26) என்பவருடன் மது அருந்திவிட்டு, இருவரும் கோட்டூர்புரம் சித்ரா நகர் பகுதியில் உள்ள நாகவல்லி அம்மன் கோயில் வளாகத்தில் படுத்திருந்தனர்.

அப்போது, 4 பைக்குகளில் வந்த 8 பேர் கொண்ட கும்பல், கோயிலில் படுத்திருந்த ரவுடி அருண் மற்றும் அவரது நண்பர் சுரேஷ் ஆகியோரை சரமாரியாக வெட்டினர். அப்போது, ரவுடி அருண் அலறியபடி அங்கிருந்து தப்பித்து ஓட முயன்றார்.

ஆனால் விடாமல் விரட்டி சென்று சரமாரியாக வெட்டினர். இவர்களது அலறல் சத்தம் கேட்டு அப்பகுதி மக்கள் திரண்டனர். அப்போது, ரவுடி கும்பல் பொதுமக்களை அரிவாளை காட்டி மிரட்டியபடி அங்கிருந்து தப்பியது. இந்த சம்பவத்தில் ரவுடி சுரேஷ் தலை சிதைந்த நிலையில் உயிரிழந்தார்.

அருண் உயிருக்கு ஆபத்தான நிலையில் ரத்த வெள்ளத்தில் போராடி கொண்டிருந்தார். தகவலறிந்த கோட்டூர்புரம் போலீசார் விரைந்து வந்து, ரவுடி அருணை மீட்டு ராயப்பேட்டை அரசு மருத்துவமனைக்கு கொண்டு சென்றனர்.