தொழில் துறை - உள்ளாட்சி பிரதிநிதிகளிடம் நிதி ஆணையக் குழு கருத்துக் கேட்பு

சென்னை, நவ. 18: தொழில் துறை, உள்ளாட்சி மன்றப் பிரதிநிதிகள் மற்றும் அங்கீகரிக்கப்பட்ட அரசியல் கட்சிகளின் பிரதிநிதிகளுடன் 16-ஆவது நிதி ஆணையக் குழு ஆலோசனை நடத்தி, கருத்துகளைக் கேட்டறிந்தது.

சென்னையில் உள்ள தனியார் ஹோட்டலில் திங்கள்கிழமை நடைபெற்ற இந்த ஆலோசனையில் தொழில் துறை சார்பில் வீல்ஸ் இந்தியா லிமிடெட் நிர்வாக இயக்குநர் ஸ்ரீவத்ஸ் ராம், இந்திய தொழிலகக் கூட்டமைப்பு மண்டலத் தலைவர் நந்தினி ரங்கசாமி, காக்னிசன்ட் இந்தியா நிறுவனத்தின் நிர்வாக இயக்குநர் ராம்குமார் ராமமூர்த்தி, ராம்கோ நிர்வாக இயக்குநர் வெங்கட்ராம் ராஜா உள்ளிட்ட 12 பேர் பங்கேற்றனர்.