தேவை சிந்தனை ஒருங்கிணைப்பும் செயல்பாடும்

ஒரு சுதந்திரப் போராட்ட தியாகியின் மகன் என்னை தொலைபேசியில் அழைத்தார்.

- க. பழனித்துரை

அவர் 85 வயதைக் கடந்தவர். "எனக்கு ஓர் ஒவ்வாமை இருக்கிறது, அது என்னை வாட்டி வதைக்கிறது. மக்கஸ் நாட்டுக்காக சுதந்திரப் போராட்ட காலத்தில் செய்த தியாகங்களைப் பார்த்தவன் நான். ஆனால், இன்று நம் நாட்டில் நடைபெறும் சிறுமைச் செயல்பாடுகளை என்னால் சகிக்கவே முடியவில்லை.

அரசியலைப் பிழைப்பாக்கி தொழிவாக்கி, வணிகமாக்கி அதை நினைவுபடுத்தும் அரசியல் செயல்பாடுகள், அதிகாரத்தைப் பயன்படுத்தி அடுத்தவர் சொத்தை அபகரித்தல், அரசின் அதிகாரத்தைப் பயன்படுத்தி பொதுச் சொத்தை தனதாகக் கொள்ளுதல், சுயநலச் சிந்தனையுடன் பொதுவாழ்வில் செயல்படல், உழைக்காமல் உர வேண்டும் என்று எண்ணுதல், மக்கள் வரிப் பணத்திலிருந்து வரும் சம்பளத்தைப் பெற்றுக்கொண்டு, மக்களுக்குச் சட்டப்படி ஆற்ற வேண்டிய பணிகளைச் செய்யாமல் மக்களை அவமதிப்பது.

சட்டத்திற்குப்புறம்பாக செயல்பாடுகளைச் செய்து அரசுத்துறைகளில் அதிகாரிகளும் அலுவலர்களும் பணம் சம்பாதிப்பது, சமுதாயத்தில் நடைபெறும் தீய செயல்களுக்குத் துணைபோவது, தான் செய்ய வேண்டிய கடமைகளைச் செய்யவதற்கு கூச்சமின்றி மக்களிடம் கையூட்டுப் பெறுவது, தீய வழியில் பணம் ஈட்டி பகட்டு வாழ்க்கையில் ஈடுபட்டு ஏழை எளிய மக்களை ஏங்கச் செய்வது, தவறு செய்து தந்தை தாய் ஈட்டிய பணத்தில் இணைஞர்கள் உல்லாச வாழ்க்கை வாழ்ந்து இணைஞர்கள் என்ற அடையாளத்திற்கே மாசுக் கற்பிப்பது, பணம் தந்து அரசுப் பணிகளையும் அரசியல் கட்சிகளில் பதவிகளையும் பிடித்து பிழைப்பு நடத்துவது, பணத்துக்காக உயிருக்கும் மேலான உரிமைகளை வாக்குரிமை வரை வணிகம் செய்வது, ஏழ்மையின் போர்வையில் சுய மரியாதையை இழப்பது, தவறு செய்து ஈட்டிய பணத்தில் பாட்டு வாழ்க்கையை கூச்சமில்லாமல் மற்றவர்களுக்கு வெளிச்சம் போட்டுக் காட்டுவது, அறமற்று மருத்துவம் என்ற பெயரில் நோயாளிகளிடம் பணம் பறிப்பது, கல்வி என்ற பெயரில் மாணவர்களைத் தகுதிப்படுத்தாமல் பணம் பெற்றுச் சான்றிதழ் தருவது, கண்முன்னே நடக்கும் தவறுகளைத் தட்டிக்கேட்காமல் பார்த்துக்கொண்டு வாளாவிருப்பது, மற்றவரை சுரண்டியே வாழ்க்கை நடத்துவது, அனைத்தும்தான் சிறுமைச் செயல்பாடுகள்" என்றார்.

இப்படி உங்களைப்போல் ஆதங்கப்படும் எண்ணற்றவர்கள் இருக்கின்றார்கள். அவர்கள் துணிவுடன் வெளியே வந்து ஒருங்கிணைத்து மக்களிடம் செல்லத் தயாரானால், எண்ணற்ற தர்மகர்த்தாக்கள் ஆதரவுக்கரம் நீட்டத் தயாராக இருக்கின்றார்கள்” என்றேன்.