உருவானதுஃபென்ஜால் புயல்

புதுச்சேரி அருகே இன்று கரையைக் கடக்கும்

உருவான ஆழ்ந்த காற்றழுத்த தாழ்வு மண்டலம் 'ஃபென்ஜால்' புயலாக வெள்ளிக்கிழமை உருவானது.

இந்தப் புயல் சனிக்கிழமை (நவ. 30) பிற்பகலுக்குப் பிறகு புதுச்சேரி அருகே கரையைக் கடக்கும் என்று சென்னை வானிலை ஆய்வு மையம் தெரிவித்துள்ளது.

புயல் கரையைக் கடப்பதற்கு முன்பாக சென்னை, திருவள்ளூர், செங்கல்பட்டு, காஞ்சிபுரம் உள்ளிட்ட மாவட்டங்களில் மணிக்கு 70 கி.மீ. வேகத்தில் தரைக் காற்று வீசும், கனமழை பெய்யும். கரையைக் கடக்கும்போது சென்னை உள்ளிட்ட வடகடலோர மாவட்டங்களில் மணிக்கு 90 கி.மீ. வேகத்தில் சூறைக் காற்றுடன் அதிகனமழை பெய்யும் என்றும் எச்சரிக்கை விடுக்கப்பட்டுள்ளது.

புயல் சின்னம்: வங்கக் கடலில் கடந்த 24-ஆம் தேதி இலங்கைக்கு தென்கிழக்கே காற்றழுத்த தாழ்வுப் பகுதி உருவானது. இது நவ.29-இல் புயலாக வலுப்பெற்று தமிழக கரையைக் கடக்கும் என்று சென்னை வானிலை மையம் கடந்த 5 தினங்களுக்கு முன்பே அறிவித்தது.

ஆனால், ஆழ்ந்த காற்றழுத்த தாழ்வு மண்டலம் வரை வலுப்பெற்ற புயல் சின்னம், அதற்கு மேல் புயலாக மாறாமல் இலங்கை கடலுக்கும் தமிழகத்துக்கும் இடைப்பட்ட கடல் பகுதியில் அப்படியே நகராமல் நின்றுவிட்டது. இதனால் புயல் உருவாகாது, புயல் சின்னம் வலுவிழந்துவிடும் என்று வியாழக்கிழமை அறிவித்தது.