சென்செக்ஸ் சிறிதளவு முன்னேற்றம்

இந்த வாரத்தின் மூன்றாவது வர்த்தக தினமான புதன்கிழமையும் பங்குச்சந்தை ஏற்ற, இறக்கத்தில் இருந்து வந்தது. இருப்பினும், மும்பை பங்குச்சந்தையின் குறியீட்டு எண்ணான சென்செக்ஸ், தேசிய பங்குச்சந்தையின் குறியீட்டு எண்ணான நிஃப்டி ஆகிய இரண்டும் சிறிதளவு உயர்ந்து நிலை பெற்றன.

- நமது நிருபர்

உலகளாவிய சந்தைக் குறிப்புகள் கலவையாக இருந்தன. இதன் தாக்கத்தால் உள்நாட்டுச் சந்தை எச்சரிக்கையுடன் தொடங்கி எதிர்மறையாகச் சென்றது. அமெரிக்காவின் பணவீக்கத் தரவுகளுக்கு முதலீட்டாளர்கள் காத்திருந்ததால் சந்தை தள்ளாட்டம் கண்டது. ஐடி, ஆட்டோ, எஃப்எம்சிஜி, மீடியா பங்குகளுக்கு ஓரளவு ஆதரவு கிடைத்தது. அதே சமயம் தனியார் மற்றும் பொதுத்துறை வங்கிப் பங்குகள் விற்பனையை எதிர்கொண்டன.

முன்னணி நிறுவனப் பங்குகளுக்கு கிடைத்த ஓரளவு ஆதரவால் சந்தை நேர்மறையாக முடிந்தது என்று பங்கு வர்த்தகத் தரகு நிறுவனங்கள் தெரிவித்தன.