சாலை விபத்துகளில் உயிரிழப்பவர்களில் 60% பேர் 18-34 வயதுடையவர்கள்

'இந்தியாவில் ஆண்டுக்கு சுமார் 1.78 லட்சம் பேர் சாலை விபத்துகளில் உயிரிழக்கின்றனர்; அதில் 60 சதவீதம் பேர் 18 முதல் 34 வயதுடையவர்கள்' என மத்திய சாலை போக்குவரத்து, நெடுஞ்சாலைத் துறை அமைச்சர் நிதின் கட்கரி வியாழக்கிழமை தெரிவித்தார்.

மக்களவையில் வியாழக்கிழமை கேள்வி நேரத்தின்போது சாலை விபத்துகள் தொடர்பான பல்வேறு கேள்விகளுக்கு நிதின் கட்கரி அளித்த பதில்: பொதுமக்கள் பலரும் சாலை விதிகளை மதிப்பதில்லை, சட்டங்கள் குறித்த அச்சமும் பலருக்கு இல்லை. இது விபத்துகள், உயிரிழப்புகளைத் தடுப்பதில் முக்கியப் பிரச்னையாக உள்ளது.

இந்தியாவில் சாலை விபத்துகளில் ஆண்டுக்கு சுமார் 1.78 லட்சம் பேர் உயிரிழக்கின்றனர். அதில் 60 சதவீதம் பேர் 18 முதல் 34 வயதுக்குட்பட்டவர்கள்.

சாலை விபத்துகளில் இறப்புகள் நிகழும் மாநிலங்களில் உத்தர பிரதேசம் முதலிடத்திலும், நகரங்களில் தில்லி முதலிடத்திலும் உள்ளது.