மாநிலங்களுக்கு இடையிலான நதிநீர் பிரச்னைகளுக்கு காங்கிரஸே காரணம்

"மாநிலங்களுக்கு இடையிலான நதிநீர் பிரச்னைகளுக்கு காங்கிரஸே முக்கியக் காரணம்" என பிரதமர் மோடி செவ்வாய்க்கிழமை குற்றஞ்சாட்டினார்.

மேலும், விவசாயிகளுக்கு ஆதரவளிப்பதைப்போல் ஏமாற்றி வரும் காங்கிரஸ், அவர்களின் நலனுக்காக எதையும் செய்ததில்லை எனவும் தெரிவித்தார்.

ராஜஸ்தானில் பாஜக ஆட்சியின் ஓராண்டு நிறைவு விழாவில் பிரதமர் மோடி பங்கேற்றார். அப்போது எரிசக்தி, சாலை போக்குவரத்து, ரயில்வே மற்றும் குடிநீர் ஆகிய துறைகளுக்கு ரூ.46,000 கோடி மதிப்பிலான திட்டங்களைத் தொடங்கிவைத்தார். சில புதிய திட்டங்களுக்கு அவர் அடிக்கல் நாட்டினார்.