'మావోయిస్టు' సెగ్మెంట్లలో హై అలర్ట్

ఛత్తీస్ ఘడ్ ఘటనల నేపథ్యంలో అప్రమత్తం అవసరమైతే ఎన్నికల ప్రచారంపైనా ఆంక్షలు

ఛత్తీస్ ఘడ్ ఘటనల నేపథ్యంలో అప్రమత్తం

అవసరమైతే ఎన్నికల ప్రచారంపైనా ఆంక్షలు

దిశ, తెలంగాణ క్రైం బ్యూరో : పదిహేను రోజుల వ్యవధిలో మావోయిస్టులు ఛత్తీస్ ఘడ్లో ఇద్దరు బీజేపీ నేతలను హత్య చేయటం... తాజాగా పోలీ సులను టార్గెట్ చేస్తూ ఏర్పాటు చేసిన ఐఈడీ బాంబు పేలిన నేపథ్యంలో రాష్ట్ర పోలీసు ఉన్నతా ధికారులు అలర్ట్ అయ్యారు. ఈ క్రమంలోనే మావోయిస్టు ప్రభావిత అసెంబ్లీ సెగ్మెంట్లలో హై అలర్ట్ ప్రకటించారు. శాంతిభద్రతల పరిస్థితికి విఘాతం కలగకుండా మరిన్ని చర్యలకు శ్రీకారం చుట్టిన అధికారులు గస్తీలు, తనిఖీలను ముమ్మరం చేశారు.

అలాగే అంతర్ రాష్ట్ర సరిహద్దుల్లో కూంబింగ్ను పెంచారు. తాజా పరిస్థితులపై ఇంటెలిజెన్స్ వర్గాలతో నివేదికలు తెప్పించుకుంటున్నారు. ఓ సీనియర్ పోలీసు అధికారి చెప్పిన ప్రకారం ఈ నివేదికల ఆధారంగా ఎన్నికల ప్రచార సమయంపై ఆంక్షలు కూడా విధించే అవకాశం ఉంది.

బహిష్కరణకు పిలుపు...