உதயநிதி ஸ்டாலினுக்கு துணை முதலமைச்சர் பதவி தி.மு.க. மூத்த தலைவர்கள் வலியுறுத்தல்

தி.மு.க.வில் முதலமைச்சர் மு.க.ஸ்டாலினுக்கு அடுத்தபடியாக வருங்கால தலைவராக உதயநிதி ஸ்டாலின் உருவாகி வருகிறார்

கடந்த 2019 பாராளுமன்ற தேர்தலின் போது உதயநிதி ஸ்டாலின் 'எய்ம்ஸ்' மருத்துவமனை ஒற்றை செங்கல்லை காட்டி தமிழ்நாடு முழுவதும் சூறாவளி சுற்றுப்பயணம் மேற்கொண்ட பிரசாரம் மக்களை அப்போது வெகுவாக கவர்ந்தது.

இதை தொடர்ந்து 2019-ம் ஆண்டு ஜூலை மாதம் அவருக்கு தி.மு.க. இளைஞரணி செயலாளர் பதவி வழங்கப்பட்டது. இதைத் தொடர்ந்து 2021 சட்டமன்ற தேர்தலிலும் தி.மு.க.வுக்காக உதயநிதி ஸ்டாலின் தீவிர பிரசாரம் மேற்கொண்டார். தேர்தல் சமயத்தில் கருணாநிதியைப் போல் அடுக்கு மொழியில் பிரசாரம், அனல் கக்கும் பொதுக்கூட்ட பேச்சுக்கள் என தி.மு.க.வில் இன்று யாரும் செய்ய முடியாத நிலையில் வளர்ந்து வரும் இளைய தலைமுறைகளுக்கு ஏற்ப உதயநிதி தனது பிரசாரத்தை தனித்துவமான பாணியில் மேற்கொண்டார்.

இந்த தேர்தலில் அவர் சேப்பாக்கம்-திருவல்லிக்கேணி தொகுதியில் வெற்றி பெற்றது மட்டுமின்றி தி.மு.க. தனித்து ஆட்சி அமைக்கும் அளவுக்கு வெற்றியடைய அவரும் ஒரு காரணமாக அமைந்தார்.