இலங்கை தமிழர்களுக்கு இந்திய குடியுரிமை வழங்க மத்திய, மாநில அரசுகள் ஆவணம் செய்ய வேண்டும்: ஐக்கிய கம்யூனிஸ்ட் கட்சி தீர்மானம்

சென்னையில், இந்திய ஐக்கிய கம்யூனிஸ்ட் கட்சி (எம்.கே) சார்பில் தமிழ்நாடு மாநில மாநாடு, மாநிலச் செயலாளர் பாஸ்கரன் தலைமையில் நடைபெற்றது.

இதனைத் தொடர்ந்து பத்திரிகையாளர் சந்திப்பில் மாநிலச் செயலாளர் பாஸ்கரன் தெரிவித்ததாவது: இம் மாநாட்டில் யு.சி.பி.ஐ கட்சியினுடைய பெயரில் சிறு மாற்றம் செய்து, இந்திய ஐக்கிய கம்யூனிஸ்ட் கட்சி (எம்.கே) என்று மாற்றம் செய்து, தேர்தல் ஆணையத்தில் இதனை ஒரு புதியக் கட்சியாக பதிவு செய்வது என்றும் முடிவெடுத்துள்ளோம். கட்சியின் தலைவராக சிறந்த மார்க்சிய அறிஞருமான பழனியப்பன், தமிழ்நாடு மாநிலச் செயலாளராக பாஸ்கரனாகிய என்னையும், மாநிலப் பொருளாளராக சுந்தரமூர்த்தி மற்றும் வீரபாலன், ராஜன் உள்ளிட்ட 11 நபர்கள் கொண்ட மாநிலச் செயற்குழு உறுப்பினர்கள் இதில் தேர்ந்தெடுக் கப்பட்டனர். இந்த மாநாட்டை நடத்துவதற்குள் பல்வேறு இடஞ்சல்களை சந்தித்து, மாநாட்டை வெற்றிகரமாக நடத்தி வென்று காட்டினோம். இவ்வாறு அவர் கூறினார்.