புதிய மின் கட்டணத்தை உடனே வாபஸ் பெற வேண்டும் - மக்கள் போராட்ட குழு வலியுறுத்தல்

பொதுமக்கள் மற்றும் வியாபாரிகளை பாதிக்கும் வகையில் ஏற்றப்பட்டுள்ள புதிய மின் கட்டணத்தை உடனே வாபஸ் பெற வேண்டும் என காரைக்கால் மக்கள் போராட்ட குழு வலியுறுத்தியுள்ளது.

காரைக்கால் மக்கள் போராட்ட குழு துணை ஒருங்கிணைப்பாளர் ஜெ.சூர்யா, இதுகுறித்து நேற்று நிருபர்களிடம் கூறியதாவது: புதுச்சேரியில் பாஜக என். ஆர் காங்கிரஸ் கூட்டணி கட்சி, ஆட்சி அமைத்த நாள் முதல் மின் கட்டத்தை ஆண்டுதோறும் உயர்த்தி வருகிறது அந்த வகையில், புதுச்சேரியில் வீடுகளுக்கான மின் கட்டண உயர்வு அமலுக்கு வந்தது.

ஏற்கனவே மின்கட்டணத்தை கட்ட முடியாமல் பொதுமக்கள், வணிக நிறுவனங்கள் அவதி உற்று வரும் நிலையில், பொதுமக்கள் மற்றும் வணிகர்களின் கருத்து கேட்காமல் நடைமுறைக்கு கொண்டு வரப்பட்டுள் ளன. இந்த மின் கட்டண உயர்வு கடும் கண்டனத்திற்குரியதாகும்.