காரைக்கால் நடுகளம் கிராமத்தில் மக்களை தேடி மாவட்ட கலெக்டர் நிகழ்ச்சி

காரைக்கால் நடுகளம் கிராமத்தில் நடைபெற்ற மக்களை தேடி மாவட்ட கலெக்டர் நிகழ்ச்சியில், கலெக்டர் மணிகண்டனுக்கு தாரை தப்பட்டை உடன் உற்சாக வரவேற்பு வழங்கப்பட்டது.

கலெக்டருக்கு உற்சாக வரவேற்பு

காரைக்கால் மாவட்ட நிர்வாகம் சார்பில் மாதம்தோறும் நடத்தப்படும் கிராம வளர்ச்சி திட்டமான "மக்களை தேடி மாவட்ட கலெக்டர்” நிகழ்ச்சி, காரைக்காலை அடுத்த நிரவி திரு.பட்டினம் தொகுதிக்கு பேட் உட்பட்ட நடுகளம் அங்கன்வாடி மையத்தில், மாவட்ட கலெக்டர் மணிகண்டன் தலைமையில் நேற்று சிறப்பாக நடைபெற்றது. இந்நிகழ்ச்சியில் பொதுமக்களுடன் ஒரு நாள் மாவட்ட கலெக்டராக தேர்ந்தெடுக்கப்பட்ட 4 மாணவ மாணவிகள் கலந்துக்கொண்டனர்.

நிகழ்ச்சியின் முன்னதாக நடுகளம்பேட் கிராம எல்லையில், அப்பகுதி பொதுமக்கள் தாரை, தப்பட்டைகள் முழங்க, பட்டாசுகள் வெடித்தும், மாவட்ட கலெக்டர் மணிகண்டனுக்கு மாலைகள், பொன்னாடைகள் அணிவித்து வரவேற்றனர். கிராம எல்லை முதல் விழா தடைபெறும் அங்கன்வாடி வரை மாவட்ட கலெக்டர் நடந்தே சென்றார். வழிநெடுகளும் பொதுமக்கள் மாவட்ட கலெக்டரை உற்சாகமுடன் வரவேற்றனர். கலெக்டருடன் ஒரு நாள் கலெக்டராக தேர்வு செய்யப்பட்ட நான்கு மாணவ மாணவிகளும் கலந்து கொண்டனர்.