‘નવી પેઢી આવે અને નવો ટ્રેન્ડ શરૂ થાય છે, પરંતુ ગુજરાતમાં ગરબાનો ટ્રેન્ડ ક્યારેય જૂનો થયો નથી’

ગુજરાતી ગઝલ ગાયક મનહર ઉધાસ વડોદરામાં છેલ્લા નોરતે મા શક્તિના ગરબામાં છવાયા

જાણિતા ગુજરાતી ગઝલકાર મનહર ઉધાસે છેલ્લા નોરતે વડોદરાના વિખ્યાત માં શક્તિના ગરબામાં હાજરી આપી હતી. જેમાં નયન ને બંધ રાખી અને દીકરી મારી લાડકવાડીની રચના સંભળાવીને ખેલૈયાઓને ડોલાવી મૂક્યા હતા. આ ઉપરાંત ગરબા ગાયક અચલ મહેતા અને કૌશીક મિસ્ત્રીના વૃંદના કલાકારોનો પણ ઉત્સાહ વધાર્યો હતો. ગરબાના આયોજક જયેશ ઠક્કર દ્વારા ૮૦ વર્ષે પહોંચી ગયેલા મનહ ઉધાસનું સન્માન કરવામાં આવ્યુ હતું.

માં શક્તિ ગરબાના વિશાળ મેદાન પ૨ ખેલૈયાઓને જણાવ્યુ હતુ કે, ગીત સંગીતમાં નવી પેઢી આવે અને નવો ટ્રેન્ડ શરૂ થતો હોય છે, પરંતુ ગુજરાતમાં ગરબાનો ટ્રેન્ડ ક્યારેય જૂનો થયો નથી. જિંદગીના આ તબક્કે મને એટલુ સમજાય છે કે સફળતા કે નિષ્ફળતા એ માણસના હાથની વાત નથી. બધુ ઇશ્વરની ઇચ્છા અને આશીર્વાદથી જ થાય છે.