મોરબી-વાંકાનેર હાઇવેથી નકલી ટોલનાકું ઝડપાયું : તપાસના આદેશ

પર્દાફાશ: નકલી PMO, CMo, પોલીસ, IT અધિકારી, સરકારી કચેરી બાદ હવે બે વર્ષથી વાહનચાલકો પાસેથી પૈસા પડાવતું નકલી ટોલનાકું ઝડપાયું પ્રાંત અધિકારી અને DySPને તપાસ સોંપાઇ, ટૂંકમાં જાહેર થશે અહેવાલ ટોલનાકા કાંડમાં સંડોવાયેલા કોઇને પણ છોડાશે નહીં: મંત્રી

ગુજરાતમાં વિતેલા કેટલાક સમયમાં નકલી PMO, CMO, IT, પોલીસ, સરકારી કચેરીના મામલા પ્રકાશમાં આવ્યા પછી હવે નકલી ટોલનાકું ઝડપાયું છે. મોરબી નજીક નેશનલ હાઇવે ઓથોરિટીના હાઇવે નજીક આવેલા રોડ પર ઉચ્ચ અમલદારોની મેળાપીપણામાં કેટલાક ચોક્કસ હિત ધરાવતા તત્ત્વો દ્વારા નકલી ટોલનાકું ઊભું કરી દઇ બે વર્ષથી વાહનચાલકો પાસેથી રૂપિયા ખંખેરાતા હોવાનું બહાર આવ્યું છે. આને પગલે સરકારે તત્કાળ તપાસના આદેશ આપ્યા છે. જેનો રિપોર્ટ ટૂંક સમયમાં જાહેર કરાશે. સરકારના પ્રવક્તા મંત્રી ઋષિકેશ પટેલે જાહેર કર્યું છે કે, આ ઘટનામાં સંડોવાયેલા કોઇને પણ છોડવામાં આવશે નહીં.