જયસુખ પટેલ બિઝનેસમેન હોવાથી ભાગી જાય એમ નથી, જામીનનો વાંધો નથીઃ સરકાર

તમામ પક્ષોની રજૂઆત સાંભળ્યા બાદ હાઇકોર્ટે ચુકાદો અનામત રાખ્યો

મોરબી ઝુલતા પુલની દુર્ઘટનામાં જામીન મેળવવા ઓરેવા ગ્રૂપના એમડી જયસુખ પટેલની જામીન અરજીમાં હાઇકોર્ટે ચુકાદો અનામત રાખ્યો છે. આ અરજીમાં બુધવારે રાજ્ય સરકાર તરફથી એવી રજૂઆત કરાઈ હતી કે, આ કેસમાં ટ્રાયલ લાંબી ચાલી શકે એમ છે અને અનેક સાક્ષીઓની ઊલટતપાસ કરવાની છે. આરોપી અરજદાર બિઝનેસમેન છે અને ક્યાંય ભાગી જાય એવી શક્યતા નહિવત્ છે. તેથી શરતોને આધિન જામીન આપવામાં આવે તો અમને વાંધો નથી. અગાઉ મંગળવારે આરોપી અરજદાર જયસુખ પટેલ અને પીડિતો તરફથી રજૂઆતો થઇ હતી. જે તમામને ધ્યાને લઇ હાઇકોર્ટે ચુકાદો અનામત રાખ્યો છે.