കരക്കിരുന്നവരുടെ ആനന്ദം

സ്റ്റാർട്ടിങ് ഇലവനിലെ അവസരം മുതലെടുത്ത് ഫോഡനും റാഷ്ഫോർഡും, ഇംഗ്ലണ്ട് ഇനി സെനഗാളിനെതിരെ

ദോഹ: പകരക്കാർക്കുള്ള ബെഞ്ചിലിരിക്കുകയെന്നത് കളിയിലെ ഏറ്റവും നിരാശയുളവാക്കുന്ന കാര്യമാണ്. ബൂട്ടും ജഴ്സിയുമണിഞ്ഞ് ഒരുങ്ങിനിൽക്കുമ്പോഴും ഗാലറിയിലെന്നപോലെ കളി കാണാൻ വിധിക്കപ്പെട്ടവർ. ഇങ്ങനെ കരക്കിരിക്കുന്നവർ കളത്തിലുള്ളവരേക്കാൾ പ്രതിഭാശാലികളാണെങ്കിൽ ആ വ്യഥയുടെ ആഴം കൂടും. കളത്തിലുള്ളവർ കരുത്തുകാട്ടാതെ പോകുമ്പോൾ കരക്കിരിക്കുന്നവരിലേ ആരെങ്കിലും വിരലുകൾ ചൂണ്ടും.