49 റൺ ജയം; പരമ്പര ഇന്ത്യക്ക്

പരമ്പരയിലെ മൂന്നാമത്തെയും അവസാനത്തെയും മത്സരം ഇന്ന് ഇന്ത്യൻ സമയം രാത്രി ഏഴിന് നടക്കും.

ബർമിങ്ങാം: ഇംഗ്ലണ്ടിനെതിരായ രണ്ടാം ട്വന്റി-20 ക്രിക്കറ്റ് മത്സരവും ആധികാരികമായി ജയിച്ച ഇന്ത്യയ്ക്ക് ഒരു മത്സരം ശേഷിക്കെ പരമ്പര (2-0). ടോസ് നഷ്ടപ്പെട്ട് ആദ്യം ബാറ്റ് ചെയ്ത് എട്ടു വിക്കറ്റിനു 170 റൺ കുറിച്ച് ഇന്ത്യ എതിരാളികളെ 16.6 ഓവറിൽ 121 റണ്ണിൽ ഓൾ ഔട്ടാക്കി 49 റണ്ണിന്റെ ജയം കുറിച്ചു. മൂന്നോവറിൽ ഒരു മെയ്ഡനടക്കം 15 റൺ വഴങ്ങി മൂന്നു വിക്കറ്റ് നേടിയ ഭുവനേശ്വർ കുമാർ കളിയിലെ താരമായി. ബാറ്റിങ് താളം കണ്ടെത്താൻ ബുദ്ധിമുട്ടുന്ന മുൻ ക്യാപ്റ്റൻ വിരാട് കോഹ്ലി ഒരുവട്ടം കൂടി പരാജയപ്പെട്ടത് ജയത്തിലും ഇന്ത്യൻ ആരാധകരെ നിരാശപ്പെടുത്തി. മൂന്നു പന്തിൽ ഒരു റണ്ണായിരുന്നു കോഹ്ലിയുടെ സംഭാവന. പരമ്പരയിലെ മൂന്നാമത്തെയും അവസാനത്തെയും മത്സരം ഇന്ന് ഇന്ത്യൻ സമയം രാത്രി ഏഴിന് നടക്കും.