അമ്പടാ അയ്യരേ

ഇന്ത്യക്ക് ഏഴ് വിക്കറ്റ് ജയം താരമായി ശ്രേയസ് അയ്യർ (111 പന്തിൽ 113*)

റാഞ്ചി: ദക്ഷിണാഫ്രിക്കയ്ക്കെതിരായ ഏകദിന ക്രിക്കറ്റ് പരമ്പരയിലെ രണ്ടാമത്തെ മത്സരത്തിൽ ഇന്ത്യക്ക് ഏഴ് വിക്കറ്റിന്റെ തകർപ്പൻ ജയം. ആദ്യം ബാറ്റ് ചെയ്ത ദക്ഷിണാഫ്രിക്ക ഏഴ് വിക്കറ്റിന് 278 റണ്ണെടുത്തു. മറുപടി ബാറ്റ് ചെയ്ത ഇന്ത്യ കളി തീരാൻ 25 പന്തുകൾ ശേഷിക്കേ വിജയ റണ്ണെടുത്തു.

കരിയറിലെ രണ്ടാം ഏകദിന സെഞ്ചുറി നേടിയ ശ്രേയസ് അയ്യർ (111 പന്തിൽ 15 ഫോറുകളടക്കം പുറത്താകാതെ 113), സഞ്ജു സാംസൺ (36 പന്തിൽ ഒരു സിക്സറും ഒരു ഫോറുമടക്കം പുറത്താകാതെ 29) എന്നിവർ ചേർന്നാണു വിജയ റണ്ണെടുത്തത്. 279 റണ്ണെടുക്കാനിറങ്ങിയ ഇന്ത്യക്കു നായകനും ഓപ്പണറുമായ ശിഖർ ധവാനെ (20 പന്തിൽ ഒരു സിക്സറടക്കം 13) തുടക്കത്തിലെ നഷ്ടപ്പെട്ടു.